Almaty jataqhanalarynda áli 12 myńǵa jýyq oryn tapshy – Saıasat Nurbek

ASTANA. QazAqparat – Úkimet otyrysynan keıin BAQ ókilderiniń saýalyna jaýap bergen Ǵylym jáne joǵary bilim mınıstri Saıasat Nurbek bıyl jataqhana tapshylyǵy máselesi qalaı sheshilip jatqanyn aıtyp berdi, dep habarlaıdy QazAqparat tilshisi.

«Bıyl qolymyzdan kelgenshe daıyndyq jasadyq. Astana, Almaty, Shymkent qalasynan arnaıy rezerv jasaqtaldy. ıAǵnı, dalada qalyp qoıǵan balalar úshin 50-60 shaqty tósek-oryn daıyndap qoıdyq. Almaty qalasynda ahýaldyq ortalyq ashtyq, arnaıy baılanys nómirlerin taratyp jatyrmyz. Ár ýnıversıtettiń negizinde ahýaldyq ortalyqtar ashyldy. Jalpy, eń kóp tapshylyq Almaty qalasynda. Al, Shyǵys jáne Soltústik Qazaqstan oblystary men ortalyq óńirlerde oryn jetkilikti. Bıyl bul másele tolyq sheshildi dep aıtýǵa bolmaıdy. Degenmen daıyndyq jaqsy boldy», - dep jaýap berdi Saıasat Nurbek BAQ ókilderiniń saýalyna oraı.

Vedomstvo basshysy jyl sońyna deıin 12 myń tósek-orynǵa arnalǵan jataqhanalar salynatynyn aıtty. Saıasat Nurbek keltirgen boljamǵa saı, eldegi jataqhana tapshylyǵy máselesi aldaǵy 2-3 jylda sheshimin tabady.

«Qazir Almaty qalasynda áli 12 myńǵa jýyq oryn tapshylyq bar. Olardyń ornyn qonaq úı, hosteldermen qosymsha kelisimshart jasasý arqyly jabamyz», - dedi Saıasat Nurbek.