Almaty jastarynyń turǵyn úı alýǵa múmkindigi arta tústi
Búgin ákimdikte «Turǵynúıjınaqqurylysbanki» AQ men qalanyń Turǵyn úı jáne turǵyn úı ınspektsııasy basqarmasy yntymaqtastyq týraly tıisti kelisimge qol qoıdy.
Kelisimge sáıkes, jastarǵa arnalǵan «Almaty Jastary» atty jańa turǵyn úı baǵdarlamasy barysynda 35 jasqa deıingi almatylyqtar jeke páterge ıe bolý úshin jeńildetilgen zaemge qol jetkize alady.
«Almaty Jastary» baǵdarlamasynyń basty ereksheligi paıyzdyq tólemniń tómendiginde. Kólemi 10 mln. teńgege deıingi nesıe jylyna 5%-ben beriledi. Baǵdarlama boıynsha nesıeni qaıtarý merzimi (3-25 jyl) tólem qabiletine qaraı jeke jasalady.
Almaty ákimi Baýyrjan Baıbek Memleket basshysynyń tapsyrmasy boıynsha bıyl Almatyda «Jastar jyly» dep jarııalanǵanyn, sonyń aıasynda jastardyń qaladaǵy ómirge beıimdelýine, jan-jaqty damýyna, tulǵa bolyp qalyptasýyna oń yqpal etetin tıisti Jol kartasynyń júzege asyp jatqandyǵyn atap ótti.
«Búginde qalada 35 jasqa deıingi 800 myń adam turyp jatyr. Jastar úshin baspana máselesi barynsha ózekti. «Almaty Jastary» atty jeńildetilgen turǵyn úı baǵdarlamasyn engizý úshin qazirdiń ózinde jergilikti bıýdjetten 1 mlrd teńge bólindi. Onyń ústine, «Almaty Jastary» baǵdarlamasy jastardy yntalandyrýmen qatar qarjynyń qalada qalýyna da yqpal etedi. Jeńildetilgen nesıemen tek Almaty qalasyndaǵy úıdi satyp alýǵa bolady. ıAǵnı, osy qarjy esebinen qurylysshylar men jumysshylarǵa jalaqy tólenedi, kásiporyndarǵa tapsyrys beriledi, qurylys kompanııalary qala bıýdjetine salyq tóleıdi», -dedi B.Baıbek.
Aıta keterligi, baǵdarlama jumys isteıtin jastardy yntalandyrýǵa baǵyttalǵan. Qala uıymdarynda jumys isteıtin jastardyń ár jylynyń ótiline 1 upaı esepteledi. Al eger jas adam áleýmettik salada, mysaly mektepte nemese balabaqshada eńbek etse, onyń eńbek ótiliniń upaıy eki eselenedi. Áleýmettik múmkindigi tómen jandar úshin de jeńildetilgen jaǵdaı jasalǵan. Olardyń qataryna kóp balaly otbasylar, 1 jáne 2 top múgedekteri, tolyq emes otbasylar, jetimder jáne basqalary kiredi.
Sonymen qatar, qala bıligi «Almaty» ÁKK UK» AQ arqyly stýdentter úshin jataqhana qurylysyn salýdy qolǵa almaqshy.
Qazirgi kezde osy jobaǵa qatysýǵa «Almaty Menedjment Ýnıversıteti» men S. Asfendııarov atyndaǵy Qazaq Ulttyq medıtsına ýnıversıteti nıet bildirýde.
Almaty jastaryna qoldaý kórsetýdiń Jol kartasy aıasynda 2020 jylǵa deıin 12 jataqhana salý josparlanǵan. Bıylǵy jyldyń aıaǵyna deıin tórt jataqhana qurylysy aıaqtalady.
«Biz turǵyn úı-qurylys jınaǵy júıesinde alǵash ret ákimdikpen salymshylardy qoldaýǵa baǵyttalǵan kelisimge qol qoıyp otyrmyz. Almaty boıynsha bizdiń qorjynymyz qomaqty. Búgingi kúni bizdiń fılıalda 147 myń adamnyń depozıti bar, onyń 50 myńy, biz eseptep kórdik, 20-30 jas aralyǵyndaǵy jas adamdar. Ári olardyń 13 myńy bıyl kelgender», - dedi «Turǵynúıqurylysjınaqbanki» AQ basqarma tóraıymy Lıazzat Ibragımova.
Baǵdarlamaǵa qatysý úshin 10 kún ishinde ótinish berý qajet.
Ony arnaıy almaty-zhastary.kz saıty arqyly jasaýǵa bolady. Avtorızatsııa úshin jaqyn mańdaǵy HQKO-dan elektrondy tsıfrly qoltańba alý kerek.
Ótinish qabyldaý merzimi aıaqtalǵan soń qatysýshylardy irikteý bastalady. Jeńildetilgen nesıe alýdyń kandıdattar pýlyna jas almatylyqtarǵa qoldaý bildiretin «Almaty Jastary» baǵdarlamasynyń barlyq talaptaryna sáıkes arnaıy upaı boıynsha júıe arqyly iriktelgender enedi. Upaıǵa nekede turǵan jyly, balalar sany, jumys ótili men eńbek etetin jeri, jeke kásipkerligi, Almatyda tirkelgen merzimi jáne basqalary yqpal etedi. Pýl tolyq jasalǵannan keıin ǵana «Turǵynqurylysjınaqbanki» óz jumysyna kirisedi. Bank kandıdattyń tólem qabiletin tekserip, sonan soń 5 % paıyzdyq jeńildetilgen nesıe beredi. Jastarǵa beriletin nesıeniń jalpy kólemi 10 mln teńge. Qaryz tek jańa úı satyp alýǵa beriledi, páterdi baǵdarlamaǵa qatysýshy ózi tańdaıdy.
Basty talaptar ótinish berý kezinde qatysýshy men onyń jubaıynyń jasy 35 jastan aspaýy tıis. Baǵdarlamaǵa jubaılardyń tek bireýi ǵana qatysa alady.
Erli-zaıyptylar men olardyń otbasy músheleriniń (eger olar otbasy bolsa) Almaty qalasynda 1 jyldyq turaqty tirkeýi bolýy shart. Baǵdarlamaǵa qatysýshynyń jáne onymen birge turatyn otbasy músheleriniń Qazaqstan Respýblıkasy aýmaǵynda jeke turǵyn nemese arendalyq úıleri bolmaýy tıis.
Baǵdarlamaǵa qatysýshy Qazaqstan Respýblıkasy aýmaǵynda sońǵy 5 jyl ishinde turǵyn úı jaǵdaıyn ádeıi tómendetken faktisi joq bolǵany jón;
Sondaı-aq qatysýshynyń Almaty qalasyndaǵy jumys ótili jarty jyldan az bolmaýy qajet. Bul talaptar áleýmettik jaǵdaıy tómen jandarǵa júrmeıdi, olar: 1 jáne 2 top múgedeekteri; múgedek balalary bar jáne olardy tárbıeleýshi otbasylar; ata- ana qaraýynsyz qalǵan jetimder; 4 jáne odan da kóp kámeletke jetpegen balalary bar otbasylar; 1 jáne odan kóp balalary bar tolyq emes otbasylar.