Almaty jastarynan arendalyq úıge qujattardy qabyldaý bastaldy
Spıker baǵdarlamaǵa qatysý sharttary týraly aıtty.
«Eń aldymen, ótinish berýshiler ETsQ kiltin alýy qajet, tıisti anyqtamalardy ótinim bergen sátte usyný kerek. Qujattar tizimin myna saıttan https://almaty-jastary.info/ tabýǵa bolady. Sol jerde ótinimderdi qabyldaý júzege asyrylady. Qujattardy tapsyrǵandar arasynda irikteý baldyq júıe boıynsha júrgiziledi. Qabyldaý bıylǵy 20 qarashada saǵat 23.59-da aıaqtalady. Búkil protsess avtomattandyrylǵan jáne tek saıtta júredi, sondyqtan kómek usynatyn beıtanys adamdarǵa senbegen jón»,- deıdi Ermek Ámirov.
Baǵdarlama aıasynda turǵyn úı tek 5 jylǵa beriledi, ony 29 jasqa deıingi jumys isteıtin jastar ǵana alady. Osy ýaqyt ishinde jeke turǵyn úı satyp alýǵa nemese bastapqy jarnaǵa jınaqtaý usynylady. Turǵyn úı úshin aı saıynǵy jaldaý aqysy 9-10 myń teńge.
«Ótinimdi balalary bar otbasylar bere alady. Bul rette keminde sońǵy eki jylda Almaty qalasynda turaqty tirkeý talap etiledi. Sondaı-aq, úmitkerlerde QR aýmaǵynda sońǵy 2 jylda baspanasy bolmaýy tıis. Olardyń aı saıynǵy jalaqysy jumystyń sońǵy 6 aıynda 40 AEK-ten joǵary bolýy kerek – 116 680 teńge», - deıdi spıker.
Baǵdarlamaǵa qatysatyn úmitkerlerge mamandyqtar boıynsha talaptar joq, sondaı-aq bıýdjettik jáne memlekettik qyzmetshilerden basqalary da ótinim bere alady.
«Jumys isteıtin jastar úshin satyp alý quqyǵynsyz jalǵa beriletin turǵyn úı» baǵdarlamasy QR Tuńǵysh Prezıdentiniń bastamasymen 2019 jyly bekitilip, sol kezde 1050 jas jaldamaly sharshy metrdi aldy. 2020 jyly taǵy 350 adam qonystandy, jyl sońyna deıin ákimdik Naýryzbaı aýdanynyń «Alma Sıtı-5» jáne Alataý aýdanynyń «Mádenıet» jańa turǵyn úı keshenderinde 1050 bir bólmeli páterdi jalǵa beredi»,- deıdi ol.