Almaty jastaryna qandaı qoldaý kórsetiledi

ASTANA. QazAqparat – Almatyda jataqhana salý úshin jobalyq keńse quryldy, sol arqyly 5 myń orynǵa 27 jańa nysan salynady. Bul týraly qala ákimi Erbolat Dosaev aıtyp berdi, dep habarlaıdy QazAqparat tilshisi.

«Memleket basshysy jastardy qoldaýǵa erekshe kóńil bóledi. Bul rette jyl basynan beri 4,9 myń jas jumyspen qamtyldy, 3,8 myń jas ózekti mamandyq boıynsha qaıta oqytyldy, qalalyq karera ortalyǵy ashyldy. Ózekti kásipter boıynsha 4 qysqamerzimdi kýrs iske qosyldy jáne QR arqyly kirýge bolatyn tsıfrlyq jumyspen qamtý platformasy ázirlendi», - dedi qala ákimi ortalyq kommýnıkatsııalar qyzmetinde.

Onyń aıtýynsha, qalanyń barlyq aýdandarynda jastar komıýnıtı-ortalyqtaryn ashý úshin 8 nysan belgilendi.

Tujyrymdamalar daıyndalyp, qarjylandyrý máselesi sheshildi.

Jataqhana salý úshin jobalyq keńse quryldy, onyń bazasynda 5 myń orynǵa 27 jańa nysan qurý úshin 99 jeke ınvestor tartyldy.

«Nashaqorlyqtyń aldyn alý úshin mamandandyrylǵan 8 «NarkoStop» ortalyǵy jumys isteıdi. Oǵan 2 myńnan astam volonter tartyldy. 200-den astam is-shara ótkizilip, Qazaqstannyń búkil qalalarynan kelgen jastarǵa 1,2 myńnan astam keńes berildi. 2023 jyldyń sońyna deıin NEET jastardyń úlesi 5,5%-ke deıin qysqaryp, jataqhanalarda 3,5 myńnan astam jańa tósek-oryn paıdalanýǵa beriledi», - dedi Erbolat Dosaev.