«Almaty jastary» baǵdarlamasy boıynsha 10 myńǵa jýyq ótinim qabyldandy

ALMATY. QazAqparat – «Almaty jastary» baǵdarlamasy boıynsha 9741 ótinim qabyldandy, dep habarlaıdy QazAqparat tilshisi.

Bıylǵy jyldyń 10-31 naýryz aralyǵynda «Almaty jastary» qalalyq baǵdarlamasy aıasynda ótinishter men qujattar qabyldandy.

Baǵdarlamaǵa qatysýǵa 9741 ótinish tústi, onyń ishinde:

- Densaýlyq saqtaý salasy - 2614;

- Bilim berý salasy boıynsha -3560;

- Mádenıet salasy - 348;

- Sport salasy- 98;

- JOO men ǴZI salasy -1103;

- Áleýmettik sala boıynsha -715;

- BAQ salasy -172;

- Quqyq qorǵaý organdary -1131.

Ótinishterdi qabyldaý elektrondyq tsıfrlik qoltańba arqyly elektrondy túrde www.almaty-zhastary.kz saıtynda júzege asyryldy. Upaılardy esepteý úshin elektrondyq kalkýlıator engizilgen. Oǵan qosa tapsyrǵan ótinishtiń jaǵdaıyn saıttaǵy kabınetten ózdiginen baqylaý múmkindigi bar.

Búgingi kúni tapsyrǵan ótinishterdi júkteý men baǵdarlamanyń talaptaryna sáıkestigine tekserý iske asyrylyp jatyr. Keıinnen ár sanat boıynsha eń joǵary upaılardyń negizinde tizim jasalady.

Turǵyn úı qaryzdarynyń berilýiniń ádildigi men ashyqtyǵyn qamtamasyz etý maqsatynda iriktelgen, rezervke engizilgen jáne qaıtarylǵan qatysýshylardyń tizimderi ótinimderdi qabyldaý saıtynyń sáıkes bólimderinde ornalastyrylatyn bolady.

Baǵdarlama boıynsha 1000 azamatty baspanmen qamtý josparlanǵan.

Іriktelgen úmitkerlerge «Otbasy bank» AQ arqyly tólem qabilettiligin rastaý úshin ótinimderdi qabyldaý saıtyndaǵy kabınetke joldama beriledi. Turǵyn úı qaryzdary tólem qabilettiligin sátti rastaǵan qatysýshylarǵa jalpy qaryzdyń 10 % bolǵan jaǵdaıda 5%-ben 18 mln teńgege deıin bastapqy jáne qaıtalama naryqtan turǵyn úı alý úshin beriledi.