«Almaty jastary» baǵdarlamasy bıyl da jalǵasyn tabady
«Almaty Jastary» qalalyq turǵyn úı baǵdarlamasyn bıyl da jalǵastyrý josparlanyp otyr.
Jeńildikpen nesıelendirý boıynsha «Almaty Jastary» qalalyq baǵdarlamasy sheńberinde 2022 jylǵa qabyldaýdy bastaý, ótinimder men qujattardy qabyldaý saıty, baǵdarlamanyń aǵymdaǵy jylǵy sharttary men talaptary boıynsha aqparat Almaty qalasy Turǵyn úı saıasaty basqarmasynyń saıtynan jáne áleýmettik jelidegi paraqshalarynda jarııalanady», - dep habarlady qala ákimdiginen.
Osy baǵdarlama aıasynda bıyl 1 myń jas otbasy baspanamen qamtamasyz etiledi.
Aıta keteıik, baǵdarlamaǵa 35 jasqa deıingi jastar qatysa alady, olar: medıtsına qyzmetkerleri, muǵalimder, JOO men ǴZI oqytýshylary men ǵylymı qyzmetkerleri, mádenıet jáne sport salasynyń qyzmetkerleri, jýrnalıster, jazýshylar, halyqty áleýmettik qorǵaý jáne quqyq qorǵaý organdarynyń mamandary.
2020 jyly úı alýǵa beriletin qaryz 13 mln teńge edi. Byltyr nesıe kólemi 18 mln teńgege arttyryldy. Eger ótinim qabyldansa, onyń 10 paıyzyn, ıaǵnı 1,8 mıllıon teńgeni bastapqy jarna retinde tólep, 18 mln teńgege baspana alýǵa bolady.