Almaty jastary baǵdarlamasy aıasynda 829 adam baspanaly boldy

ALMATY. QazAqparat - Almatyda 10-14 qazan aralyǵynda azamattardy «Almaty jastary» baǵdarlamasyna qatysý úshin qosymsha irikteý júrgizildi, dep habarlaıdy QazAqparat tilshisi.

Almaty qalasy ákimdiginiń málimetinshe, qosymsha irikteýge baǵdarlamaǵa negizgi konkýrstyq irikteý kezeńinde (18 mamyr - 1 maýsym aralyǵy) ótinim bergen, alaıda, qujattary durys toltyrylmaýyna (rásimdelmeýine) baılanysty ótinishteri ótpegen adamdar ǵana qatysty.

«Ótinishter men qujattardy qabyldaý qorytyndysy boıynsha 2135 qatysýshy óz ótinimderin redaktsııalap, qujattaryn jańartty. Barlyq kelip túsken ótinishter men qujattardyń baǵdarlama talaptaryna sáıkestigi tekserildi jáne ár sala boıynsha eń kóp jınaǵan balldar sany boıynsha tizim qalyptastyryldy. Іriktelgen qatysýshylar, rezervke engen jáne qabyldanbaǵan qatysýshylardyń tizimi www.almaty-zhastary.kz saıtynda ornalastyryldy. Іriktelgen 183 úmitkerge saıttaǵy jeke kabınetke «Otbasy bank» AQ tólem qabilettiligin rastaý úshin joldama berildi»,- dep habarlady Almaty qalasy ákimdiginiń baspasóz qyzmeti.

Sondaı-aq ákimdikte «Almaty jastary» baǵdarlamasy boıynsha keminde 1000 nesıe berý josparlanǵanyn, búginde baǵdarlama aıasynda 829 adam baspanaly bolyp, 27-si baspana izdep júrgenin habarlady.

Buǵan deıin «Almaty jastary» baǵdarlamasyna qatysýshylarǵa ekinshi múmkindik berilgenin habarlaǵan bolatynbyz.