Almaty ýnıversıtetterinde oqý aqysy qanshaǵa ósti
Ál-Farabı atyndaǵy Qazaq ulttyq ýnıversıteti
Qabyldaý komıssııasynyń málimeti boıynsha, bıyl bilim granty konkýrsynyń shekti balyna qatysty ózgeris bolady. Al, shekti ball ýnıversıtet tarapynan belgilenedi.
Aqyly bólimge túsý úshin UBT nátıjesi keminde 65 ball, «Quqyq» bilim berý baǵdarlama toby boıynsha 75 ball bolýy kerek. Bul rette UBT-nyń árbir páni men shyǵarmashylyq emtıhan boıynsha kemi 5 ball jınaý qajet. Aıta ketsek, «Jýrnalıstıka» men «Fılosofııa jáne saıasattaný» fakýltetterinde birneshe baǵytta shyǵarmashylyq emtıhan bar.
Doktorantýraǵa túsetinderge qosymsha memlekettik til boıynsha «KAZTEST» testileýi jáne suhbat eńgizildi.
Ázirge oqý aqysy qanshaǵa ósetini týraly aqparat joq. Dırektorlar keńesi 2022-2023 oqý jylyna arnalǵan aqy men jeńildikter tizilimin maýsym aıynda bekitedi.
Ýnıversıtetke shetel azamattary oqýǵa túse alady. Olardy qabyldaý onlaın formatta júzege asyrylady.
Bakalavrıat, magıstratýra jáne doktorantýra baǵdarlamalaryna onlaın-tirkelý jyl boıy ashyq. Tirkeý kezeńinen keıin onlaın formatta qoljetimdi kirispe synaqtar ótkiziledi.
Oqýǵa qujat qabyldaý protsesi avtomattandyrylǵan jáne qazaq, orys pen aǵylshyn tilderindegi qosymsha arqyly júzege asyrylady.
Qanysh Sátbaev atyndaǵy Qazaq ulttyq tehnıkalyq zertteý ýnıversıteti
Memlekettik grant pen aqyly bólimge túsý úshin kemi 65 ball jınaý kerek. Árbir pán boıynsha nátıje 5 baldan joǵary bolý tıis. Grant konkýrsyna talapkerler mamyr jáne maýsym aılarynda ótetin UBT nátıjesimen qatysady. Al, aqyly bólimge qańtar, naýryz, mamyr, maýsym jáne tamyz aılarynyń UBT nátıjeleri boıynsha túsýge bolady.
Sondaı-aq, ýnıversıtet qabyrǵasynda ótken Olımpıada men ǵylymı jobalardyń júldegerlerine oqý ornynyń óz granty beriledi.
2021-2022 oqý jylynda tólemaqy fakýltetke baılanysty ortasha 800 000 teńge bolǵan, bıyl onyń mólsheri ózgerýi múmkin.
Pandemııadan keıin ýnıversıtette burynǵydaı oqý dáristeri men zerthanalyq jumystar jalǵasyn tapty.
Ýnıversıtetke sheteldikter tek aqyly túrde (suhbattasý negizinde) qabyldanady.
Abaı atyndaǵy Qazaq ulttyq pedagogıkalyq ýnıversıteti
Qoǵammen baılanys departamenti habarlaǵandaı, memlekettik bilim berý grantynyń konkýrsyna qatysý úshin «Pedagogıkalyq ǵylymdar» baǵyty boıynsha shekti ball – 75, al jaratylystaný-ǵylymı baǵyttaǵy bilim berý baǵdarlamalaryna – 65 ball.
Ýnıversıtetke aqyly bólimge qabyldaý ishki erejelerge saı ótkiziledi.
Oqýǵa qujat tapsyrý eki kezeńnen turady. Bıyl talapkerlerdi oqýǵa qabyldaý úrdisi avtomattandyryldy. Ýnıversıtet saıty arqyly júzege asyrylady. Al, oqýǵa qabyldanǵan talapkerler tamyz aıynda ýnıversıtettiń qabyldaý komıssııasyna qujattardyń túpnusqasyn tapsyrýy qajet.
2022-2023 oqý jylynda pedagogıkalyq bilim berý baǵdarlamalaryna bir jyldyq oqý aqysy - 816 000 teńge.
Pandemııadan keıin ýnıversıtettiń barlyq oqý nysandary dástúrli oqý formatyna oralǵan.
Ýnıversıt sheteldikterdi oqýǵa qabyldaıdy. Olar aqyly bólimge suhbattasý arqyly túsedi. Al, etnıkalyq qazaq shetel azamattary UBT tapsyrý arqyly memlekettik bilim berý grantyna úmitker bola alady. Sondaı-aq, sheteldikterdiń Bolondyq júıe boıynsha memlekettik bilim berý grantyna ıe bolý múmkindigi bar.
Súleımen Demırel atyndaǵy ýnıversıtet
Ýnıversıtettiń baspasóz qyzmetiniń málimetinshe, talapkerler aldymen UBT-ǵa ótinishti app.testcenter.kz arqyly tirkeıdi, al oqýǵa túsý úshin qujattardy sdu.edu.kz saıtynda onlaın tirkeıdi. Munan soń ýnıversıtetke kelip tapsyrady. Qujat qabyldaý ýaqyty - 20 maýsym men 25 tamyz aralyǵy.
UBT shekti baldaryn jınaǵan talapkerler memlekettik grant konkýrsyna qatysyp, tegin bilim alady nemese aqyly negizde oqıdy. Mańǵystaý, Atyraý oblystarynyń mektep túlekterine memleket tarapynan 2022-2023 oqý jyldaryna bólingen 10 000 grant sheńberinde 104 talapker túse alady.
Sondaı-aq, ýnıversıtette grantqa túsýge arnalǵan óz shekti baly bar. Mysaly, bıyl IT mamandyǵyna shekti ball 100-ge deıin kóterildi, «Matematıka jáne statıstıka» mamandyǵyna - 80, halyqaralyq qatynastar, fılologııa mamandyqtaryna - 60, pedagogıkalyq matematıka jáne fızıka mamandyqtaryna - 90 balǵa deıin kóterilse, eki shetel tili mamandyǵyna shekti ball 95 bolyp bekitildi.
Aıta ketý kerek, aǵylshynsha oqytylatyn mamandyqtarǵa túsetinder til bilý deńgeıin anyqtaý úshin test tapsyrady. Ol emtıhan ýnıversıtet ishinde oflaın formatta júrgiziledi. Aǵylshyn tilinen deńgeıi tómen abıtýrıentter 1-kýrsta tildi qosymsha oqı alady.
Bıyl oqý aqysy mamandyqtarǵa baılanysty 5-10%, ıaǵnı ortasha 1 mln teńgege deıin ósti.
Pandemııadan soń ýnıversıtette barlyq oqý protsesi oflaın formatqa aýysty.
Ýnıversıtette sheteldik abıtýrıentterdi qabyldaýdyń óz erejesi bar. Protses tolyqtaı onlaın formatta júrgiziledi. Qujat tapsyrý, suhbattasý, aǵylshyn tilinen test tapsyrý, vıza protsesteri sátti aıaqtalsa, abıtýrıent oqýǵa qabyldanady.
Sondaı-aq, ózge elderde mektep túlekteri arasynda arnaıy ISPT olımpıadasy ótkiziledi. Olımpıada nátıjesinde joǵary kórsetkishke ıe bolǵan abıtýrıentter 4 jylǵa grant jáne jeńildikter utyp alýyna múmkindik bar.
Eske salaıyq, Qyrǵyzstanda qazaqstandyq ýnıversıtettiń fılıaly ashylǵanyn, álemniń úzdik ýnıversıtetteri reıtıngine Qazaqstannan bir JOO kirgenin jáne Qazaqstan ýnıversıtetteri jumys berýshilermen yntymaqtastyqty nyǵaıtyp jatqanyn buǵan deıin habarlaǵan bolatynbyz.
Sondaı-aq, bıyl bilim berý granttarynyń sany ósetinin, onyń ishinde tehnıkalyq jáne ІT salalarǵa granttar 60%-ǵa deıin artatynyn habarlaǵan bolatynbyz.