Almaty Ýnıversıada-2017 oıyndaryn dopıngisiz ótkizgen

ASTANA. QazAqparat - Bıylǵy jyldyń basty dodalarynyń biri atanǵan Almatyda ótken qysqy Ýnıversıada 2017 oıyndary dopıngisiz taza jáne ádil ótkeni belgili boldy, dep habarlaıdy QazAqparat tilshisi.

Bul týraly Halyqaralyq Stýdenttik sport federatsııasy (FISU) resmı málimdedi. Ýnıversıada oıyndary ústimizdegi jyly 29 qańtar men 8 aqpan aralyǵynda ótti. Oǵan 57 elden 1621 sportshy qatysqan bolatyn. Zerthanaǵa jalpy sany 216 sportshynyń synamalary jiberilgen. Aýstralııadan tekserilgen synamalardyń barlyǵy da taza ekeni dáleldengen.

Esterińizge sala keteıik, Almatydaǵy HHVIII qysqy Ýnıversıada Qazaqstandyq sportshylar 11 altyn, 8 kúmis, 17 qola medal jeńip alyp, jalpykomandalyq esepte ekinshi oryn aldy. Al Reseı quramasy birinshi oryndy ıelendi. Olar barlyǵy 71 medal (29 altyn, 27 kúmis, 15 qola) jeńip aldy. Úshinshi oryndy 11 altyn, 5 kúmis, 5 qola medal enshilegen Ońtústik Koreıa eliniń sportshylary qanjyǵasyna baılady.