Almaty turǵynynyń ózine qol jumsaýyna sebepshi bolǵan tergeýshi 2 jylǵa sottaldy
QR Sybaılas jemqorlyqqa qarsy is-qımyl agenttiginiń Telegram paraqshasy atap ótkendeı, taıaýda Almaty qalasy Almaly aýdanynyń soty Qarjylyq monıtorıng agenttiginiń qala boıynsha departamentiniń tergeýshisi B. Isaevqa qatysty úkim shyǵarǵan.
Ol Qylmystyq kodekstiń 371-baby 2-bólimi boıynsha kináli dep tanyldy. Sot tergeýshini eki jylǵa bas bostandyǵynan aıyrdy.
Aıta keteıik, B. Isaev qyzmetin durys atqarmaı, óz mindetterine salǵyrt qaraǵany úshin aıyptalǵan bolatyn.
Ol kúdikti retinde ustalǵan azamattyń qaýipsizdigin qamtamasyz etpegen, sondaı-aq elimizdiń qylmystyq-protsessýaldyq zańnamasynyń talaptaryn oryndamaı, kúdiktiniń quqyqtary men zańdy múddesin shektegen.
Saldarynan ustalǵan azamatqa qoıylǵan «shızofrenııa» dıagnozy asqynyp, ol ózine qol salǵan.