Almaty turǵynynan 500-ge jýyq kıik múıizi tárkilendi

ASTANA. QazAqparat - Almaty turǵynynan 500-ge jýyq kıik múıizi tárkilendi, dep habarlaıdy QazAqparat Polisia.kz-ke silteme jasap.

Polıtsııa qyzmetkerleri shahardyń Alataý aýdanyndaǵy Zarıa Vostok shaǵyn aýdanynda arnaıy is-sharany júrgizdi. UQKB qyzmetkerleri jergilikti turǵynnyń Qyzyl kitapqa engen aqbóken múıizderin saqtap, satatyny týraly jedel aqparatty tekserdi. Dabyl rastaldy.

Kúdikti – 42 jastaǵy H esimdi azamat. Onyń úıin tintý barysynda qosalqy bólmeden 462 dana aqbóken múıizi, sondaı-aq belgisiz tuqymdy tastar tabyldy jáne tárkilendi. Bul derek sotqa deıingi tergeýdiń biryńǵaı tizilimine QR QK-niń 399-baby boıynsha tirkeldi.

Taýardy Almatyǵa jetkizýdiń mán-jaıy men ony júzege asyrý sharttary tergeý barysynda anyqtalatyn bolady.

Foto: polisia.kz