Almaty turǵynynan 5 kelige jýyq esirtki tárkilendi

ALMATY. QazAqparat - Almaty polıtsııasy zańsyz aınalymnan sıntetıkalyq esirtkiniń iri partııasyn tárkiledi, dep habarlaıdy QazAqparat tilshisi.

Qalalyq polıtsııa demartamentiniń málimetinshe, 35 jastaǵy almatylyqtan 5 kelige jýyq untaq zat tárkilendi.«Jedel is-sharalardy júrgizý barysynda bizdiń bólimshe qyzmetkerleri 35 jastaǵy L.esimdi azamat aıdap kele jatqan kólikti toqtatty. Kólikti tekserý barysynda júk salǵyshtan untaqty zat salynǵan 20 baılam jáne eki birdeı polıetılen býmasy tabyldy. Saraptama qorytyndysy boıynsha tárkilengen shóptiń jalpy salmaǵy 4,7 kelini quraıtyn sıntetıkalyq «mefedron» esirtkisi ekendigi anyqtaldy», – dedi Áýezov aýdandyq polıtsııa basqarmasyna qarasty polıtsııa bóliminiń bastyǵy Edilhan Baıǵaraev.
Polıtsııa ókiliniń aıtýynsha, tártip saqshylary qazirgi ýaqytta esirtki taratý joldaryn, arnasyn anyqtap jatyr.
Atalǵan derek boıynsha QR QK-niń 296-baby 4-bóligine sáıkes sotqa deıingi tergeý amaldary bastaldy.