Almaty turǵyny sıntetıkalyq esirtki satý kezinde ustaldy

ALMATY. QazAqparat - QR UQK Almaty qalasy boıynsha departamenti Almaty qalasy prokýratýrasymen birge qala aýmaǵynda sıntetıkalyq esirtki zatyn satýǵa qatysy bar toptyń zańsyz áreketiniń jolyn kesti. Bul jóninde Ulttyq qaýipsizdik komıtetiniń baspasóz qyzmetine silteme jasap QazAqparat habarlaıdy.

2020 jylǵy 16 sáýirde UQKD qyzmetkerleri jedel-izdestirý sharalary barysynda 300 gramm mólsherinde sıntetıkalyq esirtki satý kezinde Almaty qalasynyń S. atty turǵynyn ustady.

Osy fakt boıynsha QR QK 297-baby 3-bóliginiń 1, 3-tarmaqshalaryna sáıkes qylmystyq is qozǵaldy. Ustalǵan adam tergeý ızolıatoryna qamaldy, sotqa deıingi tergep-tekserý jalǵasýda.

Sońǵy kezderi Almaty qalasynda sıntetıkalyq esirtkini jasyryn qoldan jasaý jáne satý faktileri artyp otyr. Sońǵy ýaqytta UQK Almaty qalasy boıynsha departamenti sıntetıkalyq esirtki zańsyz aınalymynyń 16 faktisiniń jolyn kesti. 9 kg astam psıhotroptyq zat pen 986 lıtr hımııalyq qospa zańsyz aınalymnan alyndy. Úsh jasyryn zerthananyń áreketi toqtatyldy.

Esirtki bıznesimen aınalysqany úshin 13 adam ustalyp, qylmystyq jaýapkershilikke tartylǵan.