Almaty turǵyny kentaýlyqtyń syrtynan 2 mln teńge nesıe rásimdegen

KENTAÝ. QazAqparat – Kentaý qalasy turǵynynyń atynan 2 mıllıon teńge nesıe rásimdegen kúdikti ustaldy, dep habarlaıdy QazAqparat Túrkistan oblysy polıtsııa departamenti baspasóz qyzmetine silteme jasap.

Kentaý qalalyq polıtsııa bólimine jergilikti turǵyn aryzdanady. Ol óz aryzynda belgisiz bireý qujattaryn paıdalanyp, túrli bankterden 2 mln teńgege jýyq nesıe rásimdegenin kórsetedi. Atalǵan faktini polıtseıler QR QK-niń 190-baby («Alaıaqtyq») boıynsha tirkeýge aldy.

Kentaýlyq polıtsııa qyzmetkerleri jedel-izdestirý is-sharalaryn júrgizý barysynda Almaty turǵynyn ustady. Anyqtalǵanyndaı, jábirlenýshi kúdiktiniń «tómen paıyzben nesıe shyǵaryp beremin» degen sózine senip, aldyn ala qujattaryn bergen. Al, kúdikti er adam onyń qujattaryn paıdalanyp, iri kólemde nesıe rásimdegen.

Kúdikti qamaýǵa alynyp, oǵan qatysty sotqa deıingi tergeý amaldary júrgizilip jatyr.