Almaty turǵyny esirtkiniń asa iri partııasymen ustaldy

ALMATY. QazAqparat - Almatyda jedel izdestirý sharalary barysynda 39 jastaǵy S. esimdi turǵyn esirtki saqtady degen kúdikpen ustaldy, dep habarlaıdy QazAqparat tilshisi.

Kúdikti Jetisý aýdanynda ornalasqan bazar mańynan qolǵa tústi.

«Tintý kezinde kúdiktiden eki polıetılen baılamy tabyldy. Aqshyl tústi untaq jáne túıirshikter túrindegi erekshe ıisi bar zat tárkilendi. Aıtýynsha, ol esirtkini belgisiz er adamnan satyp alǵan. Saraptama qorytyndysy boıynsha tárkilengen zat - geroın bolyp shyqty», – dedi Almaty qalalyq PD Esirtki qylmysyna qarsy kúres basqarmasy bastyǵynyń orynbasary Saǵyndyq Aıaǵanov.

QR QK-niń 296-baby 3-bólimine sáıkes qylmystyq is boıynsha sotqa deıingi tergeý bastaldy.