Almaty turǵyndary usynǵan 300-den astam joba júzege asyrylady
«Bıýdjetke qatysý» jobasy boıynsha ótinim jınaý 28 tamyzda bastaldy. Qala turǵyndary budget.open-almaty.kz portaly arqyly usynysyn engizdi. Onyń ishinde eń jaqsy usynystardy 11-23 qarasha aralyǵynda ótken daýys berý kezinde turǵyndardyń ózi anyqtady. Daýys berý portalda ETsQ nemese JSN (SMS kod) paıdalaný arqyly onlaın, sondaı-aq aýdandyq ákimdikter men Open Almaty front-ofısinde (Abaı dańǵyly 90-úı) qaǵaz túrinde ótkizildi.
Bıyl 795 jobalyq usynys tústi, onyń 448-i daýys berýge jiberildi. Almatylyqtar 28 576 daýys berdi, onyń ishinde 27 463 onlaın jáne 1113 daýys qaǵazda usynyldy.
Osylaısha, «Bıýdjetke qatysý» aıasynda 2021 jyly 343 joba iske asyrylady (Almaly aýdany — 73, Naýryzbaı aýdany — 61, Túrksib aýdany — 54, Bostandyq aýdany — 49, Medeý aýdany — 34, Alataý aýdany — 31, Áýezov aýdany — 22, Jetisý aýdany — 19).
Qala turǵyndarynyń eń kóp daýys jınaǵan jobalary qatarynda Bostandyq aýdanynda №3 oqýshylar úıiniń aýmaǵyn abattandyrý (458), Alataý aýdanynda «Atletter qalashyǵy» TK aýmaǵyn abattandyrý (424), Almaly aýdanynda Shevchenko kóshesi, 167 mekenjaıyndaǵy aýlany jańartý jáne kógaldandyrý (387), Medeý aýdanynda №168 mektepke ótý úshin Ábilǵazy ózeni arqyly jaıaý júrginshiler kópiri men pandýsy bar baspaldaq salý (349), Túrksib aýdanynda «Qazaqstan jastaryna patrıottyq tálim berý» taqyrybyna mýral salý (325), Áýezov aýdanyndaǵy Mamyr-1 yqshamaýdanynda balalar oıyn alańyn kúrdeli jóndeý (147), Naýryzbaı aýdanyndaǵy Tastybulaq yqshamaýdanynda jol boıynda jabyq aryq júıesin ornatý (132), Jetisý aýdanyndaǵy Kókjıek yqshamaýdanynda Jekpe-jek ortalyǵyn ashý (112) jobalary bar.
Almaty qalasy Qoǵamdyq keńesiniń músheleri qaǵaz túrinde daýys berý nátıjesin sanaýǵa qatysyp, turǵyndardyń bastamalaryna óz baǵasyn berdi.
«Bıýdjetke qatysý» jobasy boıynsha qaǵaz túrinde daýys berý nátıjesin sanaýǵa bir kún ketti. Bul turǵyndar óz aýdanyn abattandyrý úshin daýys berýge belsendi qatysqandyǵyn bildiredi. Meniń oıymsha, turǵyndardyń pikirin eskere otyryp, qalany damytý úshin «Bıýdjetke qatysýdy» turaqty túrde ótkizý kerek. Tájirıbe kórsetkendeı qala turǵyndarynyń belsendiligi men jobaǵa degen qyzyǵýshylyǵy jyl saıyn artyp keledi», - dedi Almaty qalasy Qoǵamdyq keńesiniń múshesi Murat Ábdishúkirov.
Almaty qalasy Bostandyq aýdany múgedekter qoǵamynyń basqarma tóraǵasy Ulan Іńkárbekov te bıyl turǵyndardyń belsendiligi artqanyn atap ótti.
«Ár aýdanda orta eseppen 100 jobadan usynyldy. Sonyń ishinde daýys berýge qala turǵyndaryna qajet jáne eń mańyzdy jobalar jiberildi. Jyl saıyn «Bıýdjetke qatysý« arqyly qalalyq ortany jaqsartýǵa nıet bildiretin turǵyndar sany kóbeıe túsedi dep senemin», - dedi Ulan Іńkárbekov.
Almaty qalasy Qoǵamdyq keńesiniń sarapshysy Dmıtrıı Vasılevtiń pikirinshe, «Bıýdjetke qatysýdyń» kategorııalaryn kóbeıtip, abattandyrýdan bólek, áleýmettik nysandardy, demalys ortalyqtaryn ashý boıynsha jobalardy qosý múmkindigin qarastyrý qajet.
Esterińizge sala keteıik, 2019 jyly Almaty qalasynyń ákimdigi «Bıýdjetke qatysý» pılottyq jobasyn júzege asyryp, qalanyń 8 aýdanyna jergilikti bıýdjetten 500 mln tg bóldi. 2020 jyly jalpy soma 6,4 mlrd teńge deıin ósti 2019 jyly 4 mlrd teńge bólingen bolatyn. Ár aýdanǵa 800 mln teńge qarastyrylǵan. Qalaǵa qosylǵan aýmaqtardy damytý maqsatynda Naýryzbaı jáne Alataý aýdandaryna «Bıýdjetke qatysý» aıasynda qosymsha 500 mln teńge bólý qarastyrylǵan. Osylaısha, atalǵan eki aýdannyń árqaısysyna 1,3 mlrd teńge bólinedi.