Almaty turǵyndary «Azııa daýysy» festıvaline avtobýspen tegin barady

ALMATY. QazAqparat – Almatyda «Azııa daýysy» mýzykalyq festıvaldiń 28, 29 jáne 30 shildede ótýine baılanysty qala ákimdigi oǵan barýshylar úshin tegin júretin 55 avtobýs uıymdastyrady, dep habarlaıdy QazAqparat tilshisi.

Almaty ákimdigi habarlaǵandaı, Qurmanǵazy kóshesi men Dostyq dańǵylynyń qıylysynda «Medeý» sport keshenine qaraı júretin 30 avtobýs kútip turady. Taǵy 25 avtobýs is-shara qonaqtaryn Abaı dańǵyly men Sátbaev kóshesi arasyndaǵy Baıtursynov kóshesi boıynda kútedi. «Avtobýstar kelýshilerdiń tolýyna oraı kúndizgi saǵat 15.00-den túngi 00.00-ge deıin júredi. Keri baǵytta avtobýstar festıval aıaqtalǵan soń júretin bolady. Sondaı-aq qala turǵyndaryna yńǵaıly bolý jáne qaýipsizdikti qamtamasyz etý úshin Almaty metropolıteni festıval kúnderi saǵat 01:00-ge deıin jumys isteıdi. Bul rette №12 baǵyttyń kóligi shtattyq rejımde jumysyn jalǵastyratyn bolady», - dep habarlady Almaty ákimdigi.

Eske salsaq, buǵan deıin festıvaldiń bas prodıýseri Armanjan Baıtasov «Medeý» muz aıdynynda «Azııa daýysy» festıvali qaıtadan ótetini týraly aıtqan bolatyn.