Almaty týraly smartfonǵa shaqtalǵan oıyn paıda boldy

ALMATY. QazAqparat - Jańa Photograd vıktorınalyq oıynynda almatylyqtar týǵan qalasynyń tarıhy men mádenıeti týraly bilimin synaı alady, dep habarlaıdy QazAqparat tilshisi qalalyq Kásipkerlik jáne ındýstrıaldyq-ınnovatsııalyq damý basqarmasyna silteme jasap.

Oıynǵa birneshe adam qatyssa bolady. Jeńimpazdarǵa jaqsy syılyqtar beriledi.

«Suraqtarǵa durys jaýap bergen azamattarǵa syılyq beriledi. Bul jobaǵa mádenıet, tarıh salasyndaǵy bizdiń seriktesterimiz demeýshi bolady. Oıynnyń arqasynda Almaty týraly tereńirek aqparat alýǵa bolady. Ár suraq sýrettermen kórkemdeledi. Photograd ataýynyń ózi sodan shyǵady. Endi únemi kelip turatyn qonaqtar qalanyń kósheleri men mekenjaılaryn adaspaı tabatyn bolady», - dedi qosymshany oılap tapqan komandanyń ókili Bınur Mákeev. 

Bir qyzyǵy oıynda kóp alma jınaǵandar olardy keıin shynaıy syılyqtarǵa aýystyra alady.

«Eń bastapqy kapıtal retinde ár qatysýshyǵa 15 alma beriledi. Árbir jeńis úshin 1 alma berilip otyrady. Máselen 30 alma jınaǵanda ony «Qaırat» klýbynyń óz alańyndaǵy matchtaryna bıletke aýystyrýǵa bolady. Al 60 almaǵa «Arman» kınoteatryna bılet alýǵa bolady. Bizdiń negizgi áriptesterimiz osy Almatydaǵy uıymdar. Jaqynda qatarymyzǵa zoobaq, tsırk, mýzeıler men kınoteatrlar qosylady»,- dedi B.Mákeev.

Uıymdastyrýshylar jeltoqsanda bul oıyndy Android júıesine shyǵarmaqshy. Al ázirge Aıfon smartfondaryna arnalǵan oıyndy myna siltemeden kóshirýge alady.