Almaty túbinde apatqa ushyraǵan «SKAT» ushqyshtary Qazaqstan qoldamaǵan sheteldik oqý ortalyqtarynda bilim alǵan
Bul týraly QR Bas kólik prokýratýrasynyń baspasóz qyzmetinen habarlady.
Vedomstvonyń aqparatyna qaraǵanda, Almaty oblysynda 16 jolaýshy men 5 ekıpaj múshesiniń qaza tabýyna sebep bolǵan «SKAT» áýe kompanııasy» AQ-nyń «CRJ-200» markaly ushaǵynyń apatqa ushyraý faktisi boıynsha sotqa deıingi tergep-tekserý amaldary aıaqtalǵan. Oǵan sáıkes, ushaqtyń apatqa ushyraýyna ushqyshtardyń jibergen kemshilikteri men Avıakompanııanyń ushý jumysyn jetkiliksiz uıymdastyrýynda da tikeleı sebep, baılanys bar.
Ushý ekıpajy Qazaqstan qoldamaǵan sheteldik oqý ortalyǵynda bilim alǵan; ushqyshtar aldyn ala daıyndyq jáne biliktilik arttyrý kýrstarynan ótpegen, avıakompanııa únemi, sonyn ishinde oqıǵa bolatyn kúni ushqyshtardyń eńbek jáne demalý rejimderin saqtamaǵan.
Atalǵan jumys salasyna Avıakompanııanyń ushý qyzmetiniń dırektory jaýapty. Qazaqstan Respýblıkasy Qylmysty kodeksiniń 344 babynyń 3 bóligimen kúdikti retinde tanylǵan Avıkompanııanyń ushý qyzmeti dırektoryna qatysty qylmystyq is 2015 jylǵy 10 jeltoqsanda Almaty qalasy Almaly aýdandyq sotyna joldandy.
Esterińizge sala keteıik, 2013 jyldyń 29 qańtarynda «SKAT» áýe kompanııasynyń «Kókshetaý-Astana» reısin oryndaıtyn CRJ-200 ushaǵy Almatyǵa jete bere apatqa ushyraǵan bolatyn. Sonyń saldarynan 21 adam, onyń ishinde 16 jolaýshy men 5 ekıpaj múshesi qaza tapqan edi.