Almaty tragedııasy: Ýaqytsha ustaý ızolıatorynan 91 adam bosatyldy
20:58, 16 Qańtar 2022
NUR-SULTAN. QazAqparat - Almatyda ýaqytsha ustaý ızolıatorynan 91 adam bosatyldy. Olar qalada bolǵan jappaı tártipsizdik kezinde ustalyp, qamalǵan edi. Bul týraly Almaty qalasynyń prokýrory Berik Júıriktaev aıtty, dep habarlaıdy QazAqparat tilshisi.
«Prokýrorlar Prezıdent tapsyrmasyna sáıkes, aýyr qylmystary joq adamdarǵa jazany jeńildetý boıynsha tıimdi is-sharalar qabyldady. Jasalǵan quqyq buzýshylyqtardy laıyqty baǵalaımyz. Osy jaǵdaılardyń barlyǵyn eskere otyryp, qala prokýratýrasy 71 adamǵa ákimshilik jazalardy jeńildetti. Biz ýaqytsha ustaý ızolıatorynan 91 adamdy bosattyq», - dedi ol Habar 24 telearnasynyń tikeleı efırinen.
Qala prokýrory bul baǵyttaǵy jumystyń jalǵasatyndyǵyn atap ótedi.
«Qaladaǵy Internet jelisi qalpyna keltirildi. Azamattyq qoǵamnyń barlyq ınstıtýttary jumys isteıdi. Qalada terrorızmge qarsy operatsııa jalǵasýda. Barlyǵyńyzdan komendanttyq saǵat talaptaryn saqtaýdy suraımyn», - dedi Berik Júıriktaev.