Almaty tergeý ızolıatorynda adamdardy azaptaıtyn jertóle rasymen bar ma
Qańtar oqıǵasynan keıin BAQ pen áleýmettik jelilerde Almatydaǵy LA-155/18 mekemesiniń tergeý ızolıatorynda qamalǵandardy azaptaýǵa arnalǵan jertóle jasaqtalǵany týraly aqparat jarııalana bastady. Osyǵan oraı, Almaty qalasy jáne Almaty oblysy boıynsha qoǵamdyq baqylaý komıssııasy men Almaty qalasy prokýratýrasynyń ókilderi atalǵan mekemeniń tergeý ızolıatoryna kelip, tekseris júrgizdi.
Almaty qalasy boıynsha qylmystyq atqarý júıesi (QAJ) departamentinen habarlaǵandaı, Almaty qalasyndaǵy tergeý ızolıatory 1360 adamǵa arnalǵan. Alaıda, qańtar aıynda tergeý barysyna qamalǵandardyń sany 1400-den asyp ketti. Qańtarda qalyptasqan erekshe jaǵdaılarǵa baılanysty 200 oryndyq ýaqytsha oqshaýlaý blogy ashyldy.
«Tergeý ızolıatorynyń, rejımdik korpýstardyń jáne jertóle úı-jaılarynyń aýmaǵyn aralaý júzege asyryldy. QAJ mekemesiniń aýmaǵynda eki qabatty ákimshilik ǵımarat jáne 4-5 qabatty 6 rejımdik korpýs ornalasqan. Atalǵan rejımdik korpýstarda kommýnıkatsııalyq júıeler men jylytý toraptaryna arnalǵan jartylaı jertóle úı-jaılary bar. Bul úı-jaılarǵa kirý korpýstardyń syrtqy jaǵynan júzege asyrylady. Mekemege túsýshilerdi qabyldaý rejımdik korpýstyń birinshi qabatynda júrgiziledi», - dedi QAJ departamentinen.
Korpýstardy aralaý qorytyndysy boıynsha arnaıy jabdyqtalǵan kameralar men úı-jaılar anyqtalǵan joq.
«Aıta keteıik, kórineý jalǵan aqparat taratqany úshin QR Qylmystyq kodeksiniń 274-baby boıynsha qylmystyq jaýapkershilik kózdelgen», - dep eskertý jasady Almaty qalasy boıynsha qylmystyq atqarý júıesi (QAJ) departamentinde.
Eske salaıyq, Almatydaǵy LA-155/18 mekemesiniń tergeý ızolıatorynda azaptaýǵa arnalǵan jertóle joqtyǵyn QR Іshki ister mınıstrligi de málim etken edi.