Almaty taýynda qoqys tastaǵan týrısterge aıyppul salynǵan

ALMATY. QazAqparat – Almatyda jyl basynan beri taýda qoqys qaldyrǵan týrısterge 350 myń teńgeden astam aıyppul salyndy, dep habarlaıdy QazAqparat tilshisi Іle Alataýy ulttyq parkiniń baspasóz qyzmetine silteme jasap.

Taıaýda QR Prezıdenti Qasym-Jomart Toqaev Josaly kóli (Úlken Almaty) men Medeý demalys oryndarynda qoqys óte kóp ekenin eskertken bolatyn.

«Jazda bul jerlerge keletin týrıst óte kóp. Ókinishke oraı, olardyń ishinde jaýapkershiligi tómen adamdar az emes. Biz kire beriste qoqys qaldyrýǵa bolmaıtynyn eskertemiz. Soǵan qaramastan qoqys qaldyratyn adam kóp. Qoqys ásirese Almaty shatqalynda kóp. Bul qoqysty tazalaý úshin arnaıy adam jaldaımyz», - dedi ulttyq parktiń zańgeri Sultan Qojanov.

Park ókili eskertýdi buzǵan adamdarǵa aıyppul salynatynyn aıtty.

«Bizdiń ınspektorlar parkti aralap júredi. Olar tek kózimen kórgen adamdarǵa ǵana aıyppul sala alady. Al kórmegen adamdy ákimshilik jaýapqa tarta almaıdy. Jyl basynan beri 9 aıda turmystyq qaldyqtardy qaldyrǵany úshin 26 zańbuzýshylyq tirkelgen. 353 042 teńge aıyppul salyndy. Onyń 302 097 teńgesi tólendi», - dedi zańger.