Almaty taýlarynda órttiń aldyn alýǵa drondar qoldanylady
Almaty qalasynyń Tótenshe jaǵdaılar departamentiniń baspasóz qyzmeti málim etkendeı, dronǵa qosylǵan teplovızor ot jaǵý oryndary men qaýipsizdik talaptaryn buzǵandardy jedel anyqtaýǵa kómektesedi. Osydan soń olarǵa dereý mobıldi toptar jiberiledi.
Dron taýly jerlerde demalýshylar jappaı jınalǵan kezde iske qosylady.
Aıtý kerek, Ulttyq parktiń ormandy alqaby ózindik landshaftymen jáne jetý qıyn taýly aımaqpen erekshelenedi, sol sebepti munda tek avıatsııanyń kúshimen ǵana órtti sóndirýge bolady.
«Ushqyshsyz basqarylatyn ushý apparatynyń maksımaldy jyldamdyǵy saǵatyna 81 shaqyrymǵa jetedi, onda birneshe jumys rejımi bar. Ol kóldeneń 8 shaqyrym qashyqtyqqa ushyp, teńiz deńgeıinen 6000 metr bıiktikke kóterile alady. Aýa raıynyń ártúrli jaǵdaıy men táýliktiń kez-kelgen ýaqytynda teplovızorlyq kamerasy bar drondarmen taýda adasyp ketken adamdardy tez tabýǵa bolady. Sondaı-aq, zardap shekkenderge dári-dármekterdi jetkizý men qutqarý tobyn oqıǵa ornyna qaýipsiz alyp barýǵa bolady. Almaty qalasynyń TJD-da sondaı tapsyrmalardy oryndaýǵa arnalǵan 3 dron bar», - dep habarlady TJD-nyń baspasóz qyzmeti.
Aıta keteıik, búgingi kúnge Almaty taýlarynda 160 ot jaǵý áreketiniń aldy alyndy, taýly-ormandy jerlerde órt qaýipsizdigi talaptarny buzǵany úshin 92 jeke tulǵa 5 mln teńgeden asatyn ákimshilik jaýapqa tartyldy.