Almaty taýlarynda qar kóshkini júrý qaýpine baılanysty blokbeketter qoıyldy
13:30, 23 Sáýir 2023
ALMATY. QazAqparat - Almaty taýlarynda qar kóshkini júrý qaýpi bar, dep habarlaıdy QazAqparat tilshisi.
Sınoptıkterdiń boljaýynsha, 23-26 sáýir aralyǵynda qardyń erýi men qar jamylǵysynyń turaqsyz bolýyna oraı qar kóshkini júrý qaýpi bar.
«Kosmostantsııa» avtojolyndaǵy Aıýsaı bógetinen joǵary jáne «Shymbulaq - Tuıyqsý muzdyǵy», «Edelveıs», «Býtakovka», «Qımasar», shatqaldarynda blokpostar ornatyldy»,- dep habarlady Almaty qalalyq Tótenshe jaǵdaılar departamentinen.
Departament málimetinshe, qar kóshkininiń 20-dan astam profılaktıkalyq túsýi júrgizildi, jarý ádisimen 50 myń tekshe metrden astam qar massasy taý etegine tústi.