Almaty taýlarynda qar kóshkini joldy jaýyp qaldy

ALMATY. QazAqparat - Almatydaǵy Shymbulaq aýmaǵynda qar kóshkini júrdi, dep habarlaıdy QazAqparat tilshisi.

Almaty qalalyq tótenshe jaǵdaılar departamentiniń málimetinshe, búgin túski saǵat 12:15 shamasynda Almaty taýlarynda qar kóshkini júrip, Medeý- Shymbulaq jolyn jaýyp qalǵan.

«Túsken qar massasy – 300 tekshe metr. Qaza bolǵandar, zardap shekkender joq. Qazir joldy qardan tazalaý jumystary júrip jatyr»,- dep habarlady vedomstvodan.

Buǵan deıin Almaty qalalyq tótenshe jaǵdaılar departamenti «Qazgıdromettiń» eskertýi negizinde 5-7 naýryz aralyǵynda Úlken jáne Kishi Almaty ózenderiniń basseınderinde qar kóshkini júrýi múmkin ekenin habarlaǵan bolatyn.

Qutqarýshylar turǵyndardy qar kóshkinin týdyrmaý úshin taý betkeılerine shyqpaýǵa, sondaı-aq jeke qaýipsizdik sharalaryn saqtap, taýda jaıaý serýendeýden bas tartýǵa shaqyrady.