Almaty taýlarynda qar kóshkini qaýpi saqtalady

ALMATY. QazAqparat - 23-28 jeltoqsan aralyǵynda Almaty oblysy taýlarynda kóshkin qaýpi saqtalady. Tótenshe jaǵdaı departamenti turǵyndardyń taýǵa barmaýyn ótindi, dep habarlaıdy QazAqparat.

Taýǵa shyqqan týrıster men demalýshylar qar kóshkinin týdyrýy múmkin. Sondyqtan osy bes kúnde qarly betkeılerge barmaǵan jón.

Barǵan kúnde taýly jerde búkil qaýipsizdik sharalaryn qatań saqtaý kerek.

Almaty oblysynyń aýmaǵyndaǵy Іle Alataýy taý jotasynyń ońtústik betkeıinde Eńbekshiqazaq, Talǵar jáne Qarasaı aýdandarynda 48 ýchaskede kóshkin qaýpi bar.

Negizinen qar kóshkini temperatýra joǵarylaǵanda jáne jańbyr men qar mol jaýǵanda túsýi múmkin.

Taýly aımaqtaǵy qar kóshkini - asa qaýipti tabıǵı qubylys. Qar kóshkininiń maksımaldy jyldamdyǵy saǵatyna 80 shaqyrymǵa deıin jetýi múmkin.