Almaty taýlarynda erli-zaıyptylar qutqaryldy

ALMATY OBLYSY. QazAqparat - Respýblıkalyq jedel-qutqarý jasaǵy taýda erli-zaıyptylardy qutqardy, dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.

Tańerteń ertemen serýenge shyqqan jastar Kókshaqyr aýylyna deıin kóterilip, taýdy asyp ótken. Sol jerde suńqar ustaıtyn jerge jetken de, túski 15.00 shamasynda keri qaıtqan. Alaıda joldy shatastyryp alyp, bıik jartastan bir-aq shyqqan.

Qarańǵyda keri qaıtý múmkin bolmaǵan, sebebi daýyl qulatqan aǵashtar joldy bógegen.

Aqparatty alǵannan keıin zardap shekkenderge kómek kórsetý úshin respýblıkalyq jedel-qutqarý jáne kınologııalyq jasaqty qosa alǵanda, 6 adam shyqty. Atalmysh top kólikpen Suńqar tálimbaǵyna jetti, sodan keıin daýystap izdep, jaıaý júrdi.

2-3 shaqyrymnan keıin zardap shekkenderdiń qolsham jaryǵy baıqaldy. Qutqarýshylar barlyq qaýipsizdik sharalaryn saqtaı otyryp, tik jartasty boılaı týrısterge jetti. Olar medıtsınalyq kómekke muqtaj bolmasa da, tońa bastaǵan eken.

«Odan ári respýblıkalyq jedel-qutqarý jasaǵynyń jedel toby erli-zaıyptylarǵa qalypty jolǵa túsýge kómektesti, sodan keıin zardap shekkenderdi ekopostqa jetkizdi» dedi vedomstvoda.