Almaty taýlarynda adasqan týrıster úshin taǵy 3 úıshik ornatyldy
Almaty ákimdiginiń málimetine sáıkes, Almaty taýlarynda jańa 3 úıshik ornatyldy.
Barlyǵy - 18. Sońǵy 2 aıda osy úıshikterdi 10-nan astam týrıster toby baspana retinde panalaǵan.
Týrıstik toptan ajyrap qalǵan úsh almatylyq 25 jeltoqsanda «Kishi Almaty aınalymy» baǵytynda adasyp qalaǵan.
Taý joryǵynda Medeý — Kımasarov shatqaly — Fýrmanovka — Panorama— Bashýta — Shymbulaq — Talǵar úlken asýy— Shymbulaq — Medeý baǵyttary qarastyrylǵan.
Olar óz kúshin eskermegen ári arnaıy jabdyqtarsyz jáne azyq-túlik qorynsyz shyqqan. Sodan keıin olar Kishi Almaty shatqalyndaǵy arnaıy taýly úıshikti panalaıdy.
«Olar túski asqa deıin toppen birge shyǵyp, bes saǵat aralyǵynda toptan múldem ajyrap, adasyp ketedi. Baqytymyzǵa oraı, olar kún batqanǵa deıin arnaıy úıshikti panalaǵan. Úsheýinde shamdar, jyly kıimder bolǵan joq. Eger taýly úıshikti panalamaǵanda olar túnde qatty adasyp, úsip qalýlary múmkin edi», - dedi taý qutqarýshysy Nurbol Nuralın.
Taý úıshikterin ornatý jobasy bastalǵaly 20-dan astam top týrıstik baspanany paıdalandy.
Búginde Almaty taýlarynda asa mańyzdy baǵyttardyń qıylysý núktelerinde 18 taý úıshigi bar.
«Týrıstik úıshikte qonyp shyqqan soń olardyń óte paıdaly ekenine kóz jetkizdim. Úıshik men úshin qutqarýshy boldy, óıtkeni men tizemniń aýyrsynýyn sezinip, keri qaraı júre almadym. Arnaıy úıshikte túnep shyqqan soń @visitalmatykz-ke alǵys aıtqym keledi, óıtkeni bul úıde taý týrısteri úshin barlyq qajetti jaǵdaılar jasalǵan: TJM-ge qońyraý shalý túımesi; elektr jaryǵy jáne uıaly telefondy zarıadtaý qurylǵysy; daıyndalǵan otyny bar pesh; shkafta krýjka men kompanııanyń logotıpteri bar úsh kórpe boldy.Alǵashqy medıtsınalyq kómek qobdıshasy men úsh kereýet bar, úıshik alystan birden kórinedi, qyzǵylt sary túske ıe», - dedi qutqarylǵan týrıst Saltanat.
Búginde Іle Alataý taýlarynda aýa raıynyń qolaısyzdyǵy nemese kúrdeli joryq kezinde týrıster panalaıtyn jańadan 3 qosymsha taý úıshigi ornatyldy.
Olar Úlken Almaty shatqalyndaǵy «Terra» alańynda, sondaı-aq Kishi Almaty shatqalyndaǵy Býkreev pen Qumbel shyńdarynda ornalasqan.
Úıshikter qutqarýshylarmen shuǵyl baılanys júıesimen jabdyqtalǵan, olarda alǵashqy kómek apattyq jıyntyǵy - alǵashqy medıtsınalyq kómek qobdıshasy, mobıldi qurylǵylardy zarıadtaý stansasy, jyly kórpe jáne buzylmaıtyn azyq-túlik jıyntyǵy (sirińke, tez daıyndalatyn kespe, kreker, bankadaǵy botqa, otyn) bar. Arnaıy úıshikter alystan kózge birden shalynatyn ashyq qyzǵylt sary túske boıalǵan.
Eske salaıyq, bul jobany 2021 jyly qala ákimdigi men bıznes qaýymdastyǵy birlese qolǵa alǵan bolatyn.
Foto: Almaty qalasy ákimdigi