Almaty taýlaryna 4 santımetr qar tústi

ALMATY.QazAqparat – Almatyda aýa raıy sýytyp, qar aralas jaýyn jaýyp tur, dep habarlaıdy QazAqparat tilshisi.

Qar aralas jaýyn túngi saǵat úshterde bastaldy. Taýly aımaqtarǵa túsken qardyń bıiktigi 4 santımetrge jetti.

«Sý basý men kóktaıǵaqtyń aldyn alý maqsatynda 397 arnaıy tehnıka,onyń ishinde 37 qum tógetin mashına jumyldyryldy. Sondaı-aq, bul jumysqa 20 motopomp jáne 866 jol jumysshysy tartyldy», – dep málim etti qalalyq ákimdiktiń baspasóz qyzmeti.

Qalanyń joǵarǵy bóliginde taıǵaqqa qarsy 15 tonna qospa sebildi.

Almatynyń aýdandyq ákimdikterde qar tazalaý jumystaryn júrgizý boıynsha táýlik boıy kezekshilik uıymdastyryldy.