«Almaty-Tashkent-Termez» jolynyń 476 shaqyrymynda qozǵalysy shekteldi

NUR-SULTAN. QazAqparat – Jambyl oblysy Baızaq aýdanynyń Jańaturmys aýylynda QR Qorǵanys mınıstrliginiń 28349 áskerı bóliminiń órtenýine baılanysty respýblıkalyq mańyzy bar «Almaty-Tashkent-Termez» jolynyń 476 shaqyrymynda qozǵalys shektelgen.

Bul týraly QazAqparat QR Indýstrııa jáne ınfraqurylymdyq damý mınıstrliginiń Telegram kanalyna silteme jasap habarlaıdy.

Áskerı bólim Taraz-Almaty baǵyty boıynsha temirjol boıynyń oń jaǵynda, ońtústik jaqtan shamamen 250-300 metr qashyqtyqta ornalasqan. Tasjol boıynda «Taý Dos» jáne «Otyrar» qyzmet kórsetý nysandary ornalasqan.

Qazirgi ýaqytta qozǵalys avtokóliktiń barlyq túrleri úshin Taraz qalasy jaǵynan 505 km jáne Aqsholaq kenti jaǵynan 474 km (Jibek jolyna burylys) jabyldy.

«Qozǵalys jergilikti mańyzy bar Taraz-Sarykemer avtojoly arqyly júzege asyrylýda»,-delingen habarlamada.