Almaty sýburqaqtary 1 mamyrda iske qosylady
«2023 jyldyń aqpan aıynda qabyldanǵan sýburqaq sharýashylyǵyn kútip ustaý men tehnıkalyq qyzmet kórsetýdiń jańa erejeleri boıynsha qaladaǵy sýburqaqtar 1 mamyrdan 1 qazanǵa deıin kún saıyn tańǵy saǵat 08:00-den túngi saǵat 23:00-ge deıin jumys isteıtin bolady»,- dep habarlady qalalyq ákimdikten.
Buryn sýburqaq maýsymy 25 mamyrdan 25 qazanǵa deıin sozyldy.
Aıta keterligi, sýburqaqtar +5°C-tan joǵary temperatýrada jumys isteı alady.
Búgingi tańda Almatyda 150 sýburqaq bar, onyń 64-i kommýnaldyq menshikte.
Qaýipsizdikti qamtamasyz etý maqsatynda onda shomylýǵa qatań tyıym salynady. Ol úshin eskertý jazasy bar qalqandar ornatylady.
«Sondaı-aq, erejede symdardyń elektr oqshaýlaýy buzylǵan sýburqaq jabdyqtaryn paıdalanýǵa tyıym salynady, sýdy tolyq tazartpaıynsha ol iske qosylmaıdy ári qaýipsizdik úshin vıdeobaqylaý júıesimen qamtamasyz etý usynylady. Sýburqaqtyń elektr jabdyqtaryn jóndeý jáne qyzmet kórsetý jumysy kezinde qaýipsizdik talabyn qatań saqtaý qajet»,- dep atap ótti ákimdiktiń baspasóz ókilderi.