«Almaty sý» mekemesiniń tarıfteri tómendetildi
Komıtettiń Almaty qalasy boıynsha departamenti «Almaty sý» MKK-nyń sý burý qyzmetterine tarıf smetasynyń oryndalýy týraly esepti qaraý qorytyndysy boıynsha kásiporynǵa kólemniń tómendeýine baılanysty tarıfterdi tómendetýge ótinim berý týraly hat jiberdi.
«Osyǵan baılanysty, «Almaty sý» MKK 7 shildede departamentke tarıfti tómendetýge ótinim joldady. Budan ári departament buıryǵymen 21 shildede 2020 jylǵy 1 tamyzdan bastap kásiporyn úshin tarıfterdi tómendetti», delingen habarlamada.
Osylaısha, 2020 jyldyń 1 tamyzynan bastap sý burý tarıfteri:
I. halyq sanatyna jatatyn jeke tulǵalar úshin tarıf 0,09% - ǵa, ıaǵnı 23,12 teńge/m3-den 23,10 teńge/m3-ge tómendetildi;
II. bekitilgen normatıvtik tehnıkalyq ysyraptar kóleminiń sheginde jylý energııasyn berýmen jáne bólýmen aınalysatyn kásiporyndarǵa jáne sýmen jabdyqtaý jáne (nemese) sý burý salasynda rettelip kórsetiletin qyzmetterdi kórsetetin uıymdar úshin, sondaı-aq jylý energııasyn berýmen jáne bólýmen aınalysatyn kásiporyndarǵa jáne sýmen jabdyqtaý jáne (nemese) sý burý salasynda rettelip kórsetiletin qyzmetterdi kórsetetin uıymdar úshin tarıf 0,66% - ǵa, ıaǵnı 31,69 teńge/m3-ten 31,48 teńge/m3-ke tómendetildi;
III. bıýdjet qarajaty esebinen ustalatyn uıymdar úshin jáne tutynýshylardyń birinshi jáne ekinshi tobyna kirmeıtin ózge de tutynýshylar úshin tarıf 1,45% - ǵa, ıaǵnı 64,01 teńge/m3-den 63,08 teńge/m3-ge deıin tómendetildi.
Aıta keterligi, tarıfter Ulttyq ekonomıka mınıstriniń 2019 jylǵy 19 qarashadaǵy №90 buıryǵymen bekitilgen tarıfterdi qalyptastyrý qaǵıdalaryna sáıkes kásiporynnyń 2019 jyly satylǵan qyzmetteriniń naqty kóleminiń ósýine baılanysty tómendetilgen.