«Almaty Sý» kásipornynda 3408 qyzmetkerdiń 3085-i vaktsınanyń 1-shi komponentin alǵan

ALMATY. QazAqparat - Qala halqyn sý jáne káriz júıesimen táýlik boıy úzdiksiz qamtamasyz etetin «Almaty Sý» MKK vaktsınatsııaǵa beı-jaı qaramaıtyn ujym, dep habarlaıdy QazAqparat tilshisi.

«Jyl basynan beri vaktsınanyń qajettiligi týraly aqparattyq-túsindirý jumystary ótkizildi. Kásiporyn qalalyq aýrýhanalar men emhanalarmen tyǵyz qarym-qatynas ornatty. Mekeme ýchaskelerinde medıtsına qyzmetkerleri koronavırýstyq ınfektsııaǵa qarsy vaktsınatsııalaý qajettiligi týraly kásiporyn qyzmetkerlerimen birneshe semınarlar men túsindirý áńgimelerin ótkizdi», - dep málim etti kásiporynnyń baspasóz qyzmeti.

Sondaı-aq iri qurylymdyq bólimshelerde vaktsınatsııalaýǵa arnalǵan arnaıy kabınetteri ashylǵan.

Aıta keteıik, búginde «Almaty Sý» kásipornynyń 3408 qyzmetkeriniń 3085-i vaktsınanyń 1-shi komponentin, 2-shi komponentin 2515 adam aldy. Al 323 qyzmetkerdiń medıtsınalyq qarsy kórsetilim qaǵazdary bar.

Avtory: Dýman Arǵyngeldi