«Almaty sý holdıngi» MKK qyzmetkerleri soǵys ardagerlerine ózderiniń bir kúndik jalaqysynyń jartysyn aýdarmaq

ALMATY. Naýryzdyń 11-i. QazAqparat /Erlik Erjanuly/ - «Almaty sý holdıngi» memlekettik- kommýnaldyq kásipornynyń qyzmetkerleri «Eshkim de, eshnárse de umytylmaıdy» degen aktsııa ótkizý týraly usynys kóterdi,

dep habarlaıdy QazAqparat.

Bul Elbasynyń Qazaqstan halqyna arnalǵan Joldaýyndaǵy Uly Otan soǵysyna qatysýshylardy jáne soǵysta qaza bolǵandardyń otbasy men olarǵa dárejesi teńestirilgen ózge de tulǵalarǵa járdem kórsetý bastamasyna qoldaý bolmaq. Aktsııaǵa «Almaty sý holdıngine» qarasty «Bastaý», «Tospa sý», «Sý jelisi» kásiporyndarynyń 2913 qyzmetkeri qatysty. Onda olar biraýyzdan Jeńistiń 65 jyldyǵy merekesi qarsańynda ózderiniń bir kúndik jalaqysynyń 50 paıyzyn ardagerlerge kómek kórsetýge aýdarý týraly sheshim qabyldady. «Eshkim de, eshnárse de umytylmaıdy» dep atalatyn bul shara kezinde endi Almaty qalalyq Soǵys ardagerleri keńesiniń esepshotyna 4,3 mıllıon teńge aýdarylmaq.