«Almaty sý» 4 kúnge sý toqtaıdy degen qaýesetti joqqa shyǵardy
13:15, 02 Sáýir 2020
ALMATY. QazAqparat – WhatsApp jelisinde taraǵan «Almaty sý» MKK 4 kúnge dezınfektsııaǵa jabylady degen aqparat shyndyqqa sáıkes kelmeıdi. Bul týraly kásiporynnyń baspasóz qyzmeti málimdedi, dep habarlaıdy QazAqparat tilshisi.
«Almatyda sý úzilissiz beriletin bolady. WhatsApp arqyly taraǵan 4 kúnge jabylady degen aqparat shyndyqqa sáıkes kelmeıdi. Aýyz sý bul ýaqytta toqtamaıdy», - dedi kásiporynnyń baspasóz qyzmetinen.
Qala turǵyndary josparly jóndeý jumystarynyń ýaqyty týraly aqparatty almatysu.kz saıtynan kóre alady.