Almaty stýdentteri maıdangerler aldynda sap túzep ótti

ALMATY. QazAqparat - Almatyda kolledj stýdentteri Jeńis kúnine oraı ardagerler aldynda soǵys týraly  ánderdi shyrqap, sap túzep ótti, dep habarlaıdy QazAqparat tilshisi qalalyq ІІD baspasóz qyzmetine silteme jasap.

«Dınamo» stadıonynda ótken saltanatty sharaǵa maıdangerler, ıntenatsıonalıst jaýyngerler, tyl ardagerleri shaqyryldy.

 «Negizinen kolledjdiń 1-2 kýrs stýdentteri qatysty. Olar tek qana sapqa turý tártibin ǵana kórsetpeı, sol zamandaǵy kıim úlgilerin de pash etti. Bul kıimderdi Almaty sán jáne dızaın kolledjiniń stýdentteri jańǵyrtty. Atalǵan shara jastar arasynda patrıottyq sezimdi oıatýǵa, sarbazdardyń rýhyn eske alýǵa, jeńis jolynda janyn qurban etken azamattardyń rýhyna taǵzym etýge baǵyttalǵan», - dedi qalalyq ІІD jergilikti polıtsııa qyzmetiniń jasóspirimder isi boıynsha bóliminiń basshysy Leıla Álipbaeva.

Memlekettik Ánuran oryndalyp bolǵan soń qatysýshylar sap túzegen kúıi birneshe áskerı ánderdi shyrqady.

Kelgen ardagerler jastarǵa batasyn berdi.