Almaty stýdentteri latyn álipbıine kóshýdi qoldady

ALMATY. QazAqparat - Almatyda L.B. Goncharov atyndaǵy Qazaq avtomobıl-jol akademııasy ujymynda latyn álipbıine kóshirý máselesi talqylandy, dep habarlaıdy QazAqparat tilshisi.

Alqaly jıynǵa oqý ornynyń professorlyq oqytýshylyq quramy, stýdentter, aýdandyq ishki ister saıasaty basqarmasynyń ókilderi qatysty.

Oqý ornynyń ustazdary Elbasynyń «Bolashaqqa baǵdar: Rýhanı jańǵyrý» atty maqalasyn talqylap óz oı pikirin bildirdi.

Qazaqstan tarıhy jalpy bilim berý pánderi jáne de aqparattyq júıe kafedrasynyń aǵa oqytýshysy Ryskeldıeva Gúldarııa Daýletkereıqyzy qazaq tiliniń latyn álipbıine birtindep ótý protsesiniń  jan jaqty pysyqtalýyna erekshe nazar aýdartty.

 

Latyn álipbıiniń birneshe nusqasy qarastyrylǵanyn, osy másele boıynsha pikirlerdiń alýan túrliligin, latyn álipbıine birtińdep ótetinimizdi atap ketti.

Oqý ornynyń stýdenttik qaýymy atynan akademııanyń Jastar isi jónindegi komıtet tóraǵasy Ábdiqaıymov Ǵalym Kenjebekuly pikir bildirdi.

«QR Prezıdenti Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda aıtylǵan qazaq tilin latyn álipbıine birtińdep kóshirý máselesin qoldaımyz. Latyn álipbıine kóshý - Qazaqstan tarıhyndaǵy eleýli sheshim. Memleket basshysynyń sheshimin biz yqylaspen qabyldaımyz. Latyn álipbıi álemdik deńgeıde qazaq eli jastarynyń baılanys deńgeıine, básekeles bolýǵa jańa lep ákeletinine nyq senimdimiz. Latyn álipbıin pysyqtaý jáne ony jappaı elimizde engizý osyndaı jahandaný úrdisinde qajetti jáne memleketimizdiń ekonomıkasyn, saıasatyn kóteretin birden-bir amal, óıtkeni jahandaný latyn álipbıinen bastalady, bul qazaq tilin reformalaýdyń mańyzdy satysy, rýhanı táýelsizdikke aparar jol. Ult qajettiliginen týyndaǵan, tárbıe-tanymdyq mańyzy orasan zor ıgi qadam», - dedi Ábdiqaıymov Ǵalym.

 

Aıta ketý kerek, mundaı dóńgelek ústel Memleket basshysy Nursultan Nazarbaevtyń «Bolashaqqa baǵdar: rýhanı jańǵyrý» maqalasyndaǵy mindetter men tapsyrmalardy júzege asyrý maqsatynda uıymdastyryldy.

9 qazanda Aqordada Memleket basshysy Nursultan Nazarbaev memlekettik tildi latyn álipbıine kóshirý jobasy boıynsha jumys tobynyń múshelerin qabyldaǵan bolatyn. Onda Elbasyna qoǵamdyq talqylaýlar barysynda kelip túsken usynystardy eskere otyryp, ázirlengen qazaq tiliniń latyn qarpine negizdelgen biryńǵaı standartynyń jobasy usynyldy.