Almaty stýdentteri EKSPO-da as ázirleıdi
Bul týraly búgin Almaty Týrızm jáne qonaqjaılylyq ındýstrııasy kolledjinde ótken press-týr barysynda belgili boldy, dep habarlaıdy QazAqparat.
Stýdentter QR Bilim jáne ǵylym mınıstrligi ókilderi men jumys berýshilerge ózderiniń as daıyndaýdaǵy, tátti toqash pisirýdegi sheberlikterin kórsetti.
Olar sondaı-aq, qonaq úı sharýashylyǵy men týrızm salasyndaǵy ınnovatsııalyq jetistikterimen bólisti.
Oqý orny dırektorynyń mindetin atqarýshy Nazym Mekebaeva bilikti stýdentterdiń EKSPO-ǵa baratyndaryn jetkizdi.
«Oqý semestri aıaqtalǵan soń jáne emtıhandardan keıin 150-ge tarta stýdent oqytýshylarymen birge EKSPO alańynda as ázirlep, kómek kórsetetin bolady», - dedi ol.
Onyń aıtýynsha, qazirgi tańda munda 900 stýdent bilim alyp jatyr. Olardyń 600-i - memlekettik grant negizinde, qalǵany aqyly bólimde oqıdy.