Almaty soty Merýert Túsipbaevany aıtqan sózi úshin jaýap berýge shaqyryp jatyr
Eske salsaq, Jado esimimen tanymal J.Sahıeva telearnalardyń birinde M.Túsipbaevanyń stıline qatysty pikir bildiremin dep basy daýǵa qaldy.
Ánshi munyń esesin qaıtarý úshin óziniń Іnstagram-daǵy paraqshasyna dızaınerge arnap jazba qaldyrdy. Túsipbaeva Jadonyń basyna tıýrban, ústine tor kózdi kóılek kıip túsken sýretin ornalastyryp, oǵan durys kıinýge ári aryqtaýǵa keńes bergen edi.
«Al tıýrban degendi etegi bar kıimmen kııý kerek, Jado! Djınsymen emes. Tor kózdi kóılekke mynaý ala oramal sáıkes kelmeıdi! Keıde mıdy jumys istetý qajet. Túsinemin, 10 synyptyq bilimmen alysqa barmaısyń. Onsyz da saǵan isteıtin is joq. Bizdiń Júrgenov atyndaǵy akademııaǵa tús. Onda Kamıla Ashatqyzy talǵamyńdy retke keltiredi. Semirip, álińdi bilmeı álek bolǵansha saýatyńdy ash! Eshqashan kesh emes. Bir ǵasyr ómir súrseń de, bir ǵasyr bilim al!»,-dep jazǵan edi ol.
Budan keıin Jado ómirde oqyp-toqyǵany baryn kórsetý úshin Túsipbaevany sotqa bergen. Dızaınerdiń Іnstagram-daǵy resmı aýkkaýntynda Almatyda sot otyrysy ótetindigi jazyldy.
«Biz árbir aıtqan sózimiz úshin jaýaptymyz! Onyń arǵy kúni Almatyda dızaıner @jado.sakhi men ártis, ánshi M.Túsipbaeva arasynda sot otyrysy ótedi. Eske salsaq, Túsipbaeva dızaınerdi bilimi taıaz jáne «aryq emes» dep ataǵan edi...Bul árıne, qoǵamda shý shyǵarǵan edi», - dep jazylǵan onda.