Almaty shekarashylary tórt aıda 8 mln dollardy shetelge áketýge jol bermedi

ALMATY. QazAqparat - Ulttyq qaýipsizdik komıtetiniń «Almaty» shekara baqylaý basqarmasy jyl basynan beri 8 000 000 AQSh dollaryn elden áketýge jol bermegen, dep habarlaıdy QazAqparat.

Qazaqstan Respýblıkasy Prezıdentiniń «Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalary týraly» 14 naýryzdaǵy № 830 jarlyǵyn iske asyrý sheńberinde «Almaty» shekaralyq baqylaý basqarmasy Almaty qalasynyń avıatsııalyq kólik prokýratýrasynyń úılestirýimen jyldyń basynan bastap Qazaqstan aýmaǵynan 8 mln AQSh dollarynan astam valıýtany áketýge jol bergen joq.

Osyǵan baılanysty shekara qyzmeti Prezıdent jarlyǵyna sáıkes 10 000 AQSh dollary balamasynan asatyn somada shetel valıýtasyn áketýge tyıym salynǵan eske salady.

Foto: www.gov.kz