Almaty saıabaǵyndaǵy kepterler neden qyrylýy múmkin: mınıstrliktiń jaýaby
Bul týraly QR Ekologııa, geologııa jáne tabıǵı resýrstar mınıstrliginiń Orman sharýashylyǵy jáne janýarlar álemi komıtetiniń baspasóz hatshysy Sáken Dildahmet málimdedi, dep habarlaıdy QazAqparat tilshisi.
Kepterlerdiń jappaı ólimin qala turǵyndary áleýmettik jelide jarııalaǵan bolatyn. Oqıǵa 28 panfılovshylar parkinde bolǵan.
«Búgin, ıaǵnı 26 naýryzda Almatydaǵy 28 Panfılovshylar parkinde kepterlerdiń qyrylýyna baılanysty Orman sharýashylyǵy jáne janýarlar álemi komıtetiniń oblystyq ınspektsııasy men QR AShM Veterınarlyq baqylaý men qadaǵalaý terrıtorıaldyq ınspektsııasy qyzmetkerleri, qalalyq veterınarlyq qyzmet, qalalyq Kásipkerlik pen ınvestıtsııalar basqarmasy, Zoologııa jáne abattandyrý Instıtýty mamandarynan arnaıy komıssııa qurdy», - dedi Sáken Dildahmet Facebook paraqshasynda.
Komıssııanyń júrgizgen saraptamasyna kepterler ólgen jerde munyń aldynda aýmaǵy 100 sharshy metr muz aıdyny bolǵan. Sol jerde barlyǵy 30 kepter ólgen.
«Qustar ýlanǵan bolýy múmkin. Komıssııa músheleri kepterlerdiń denesin zerthanalyq zertteý júrgizý úshin aldy. Qustardyń ólimine ne yqpal etkeni zertteýlerden soń belgili bolady», - dedi S.Dildahmet.