Almaty salyq organdary 49 jastaǵy er adamǵa halyqaralyq izdeý jarııalady
13:26, 29 Qazan 2018
ALMATY. QazAqparat - Almatyda salyq organdary 49 jastaǵy er adamǵa halyqaralyq izdeý jarııalady, dep habarlaıdy QazAqparat tilshisi.
Qalalyq Memlekettik kirister departamentiniń baspasóz qyzmetiniń habarlaýynsha, Qyzylorda oblysy Qarmaqshy aýdanynyń týmasy Sydyqov Baǵlan QR QK 216-babynyń 3-bólimi boıynsha aıyptalyp otyr.
Ekonomıkalyq tekserý qyzmetiniń habarlaýynsha, ol schet-faktýrada kórsetilgen qyzmetterdi is júzinde kórsetpegen. Atap aıtqanda, 10 000 AEK, ıaǵnı 24 000 000 teńgeden asa qarjyny qymqyrǵan. Osy qylmysqa baılanysty Sydyqov Baǵlanǵa halyqaralyq izdeý jarııalandy.
Salyq organdary Sydyqov Baǵlan týraly málimet biletin adamdar bolsa, 8 (727) 299-50-72, 8702-958-89-99, 8777-090-10-22, 8 (727) 279-29-56, 279-35-40 telefondaryna habarlasýyn suraıdy.