Almaty prokýrorlary júzden astam pornografııalyq mazmundaǵy saıtty buǵattady

ALMATY. QazAqparat – Almaty qalalyq prokýratýrasy kámeletke tolmaǵandardyń quqyqtaryn qorǵaý jáne zańbuzýshylyqtardyń aldyn alý boıynsha tıimdi sharalar ázirleı otyryp, máselege egjeı-tegjeıli taldaý júrgizdi, dep habarlaıdy QazAqparat tilshisi.

Prokýratýranyń málimetinshe, sońǵy kezderi balalardy qorlaý men olardyń múddelerine qarsy zańsyz áreketter kóbeıgen. Sondaı-aq, qalalyq prokýratýra balalardyń tyıym salynǵan ınternet saıttarǵa erkin kirýi - qorlaý men seksýaldyq áreketterdiń taralýyna yqpal etetin trıggerlerdiń biri ekenin anyqtady. Olar jynystyq zorlyq-zombylyqty, qatygezdikti, jynystyq belsendilikti erte jastan nasıhattaıdy.

«Aǵymdaǵy jyldyń ózinde prokýrorlar 100-den astam pornografııalyq mazmundaǵy saıtty anyqtap, buǵattaý sharalaryn iske asyrdy. Qazir bul jumys belsendi túrde jalǵasyp jatyr. Bul jumysty kúsheıtý úshin ýákiletti organdarǵa prokýrorlyq qadaǵalaý aktisi engizildi», - delinedi prokýratýranyń habarlamasynda.

Osy oraıda, Almaty qalalyq prokýratýrasy ata-analardy balalarynyń vırtýaldy ómirin únemi qadaǵalap, minez-qulqyna nazar aýdarýǵa shaqyrdy.

Aıta ketsek, bıyl Aqtóbede balalarǵa qatysty 11 seksýaldyq zorlyq-zombylyq deregi tirkeldi.