Almaty prokýratýrasynyń yqpalymen taýarlyq gazǵa tarıf tómendetildi

ALMATY. QazAqparat - Almaty qalasynyń prokýratýrasynyń yqpalymen taýarlyq gazǵa tarıf tómendetildi, dep habarlaıdy QazAqparat QR Bas prokýratýrasynyń baspasóz qyzmetine silteme jasap.

Tekserý nátıjeleri boıynsha «APL Construction» JShS-de bekitilgen tarıftik smetanyń buzylýy, sondaı-aq oramishilik gazben jabdyqtaý jelilerine qosylý kezinde ústem jaǵdaıdy teris paıdalaný áreketi anyqtaldy.

Qala prokýratýrasynyń qadaǵalaý aktisi boıynsha tarıf 1 myń m3 úshin 6 362,77 teńgeden 5 999,08 teńgege deıin tómendetildi (5,7% - ǵa), 184 mln. teńge somasyna ótemdik tarıf engizildi, sondaı-aq monopolıst QR Ákimshilik quqyq buzýshylyq týraly Kodeksiniń 159-baby 3-1 jáne 164-bóligi 4-bóligi boıynsha jaýapqa tartyldy jáne 78 mln. teńge aıyppul óndirildi.

«Qabyldanǵan sharalardyń arqasynda Eńbekshiqazaq jáne Panfılov aýdandarynyń 11 myń tutynýshysynyń quqyǵy qorǵaldy, olardyń 300-den astamy kásipkerler»,-delingen habarlamada.