Almaty polıtsııasy jıi jasalatyn qylmystardyń reıtıngin jasady

ALMATY. QazAqparat - Almatynyń polıtsııasy jıi jasalatyn usaq zańbuzýshylyqtardyń reıtıngin shyǵardy, dep habarlaıdy QazAqparat Almaty qalalyq ІІD-ne silteme jasap.

«2017 jyly 185 myń 81 ákimshilik quqyqbuzýshylyq anyqtaldy. Olar boıynsha salynǵan ákimshilik aıyppuldardyń sany 1 mlrd 301 mln teńgeni qurady»,-dedi vedomstvo ókilderi.

Azamattar jıi jiberetin kemshilik - qaýipsizdik belbeýin taqpaýmen baılanysty. Mundaı jaǵdaılar 45 myń ret tirkelgen. Ekinshi orynda, kólikti basqaryp kele jatyp, telefonmen sóıleý áreketi tur. Mundaı faktilerdiń 40 myńy tirkeldi. Úshinshi orynda aımaqtyń kógaldandyrý tártibin buzý tur - 31 myń 172 jaǵdaı anyqtaldy.

Budan ári qoǵamdyq oryndardy temeki shegý jáne spırtti ishimdikterdi paıdalaný, sondaı-aq kóshede zańsyz saýda jasaý sııaqty zańbuzýshylyqtar tur.

Tizimde jol erejesin buzý jaǵdaılary da bar. Almatylyqtardyń qarsy jolaqqa shyǵyp ketý jaǵdaı eń az kezdesetin tártipbuzýshylyq. Olardyń sany - 563.