Almaty polıtsııasy Respýblıka alańy mańyndaǵy joldyń jabylýyn túsindirdi
10:26, 01 Sáýir 2022
ALMATY. QazAqparat - Almaty polıtsııasy Respýblıka alańynyń mańynda joldyń jabylǵany týraly vıdeoǵa túsinik berdi, dep habarlaıdy QazAqparat tilshisi.
Áleýmettik jelide Sátbaev kóshesi men Nazarbaev dańǵylynyń qıylysynda áskerı KamAZ, polıtsııa kólikteri men jol talǵamaıtyn mashına turǵan vıdeo tarady. Beınejazbadan Respýblıka alańyna qaraı ótetin joldyń jabyq ekenin kórýge bolady.
Almaty qalalyq polıtsııa departamenti qylmystyq isti tergeý aıasynda atalǵan aýmaqta tergeý eksperımenti júrgizilgenin málim etti.
«Biz azamattardan úreıge berilmeýlerin jáne tek resmı aqparatty basshylyqqa alýdy suraımyz», - dep habarlady Almaty qalalyq polıtsııa departamentiniń baspasóz qyzmetinen.