Almaty polıtsııasy qaladaǵy barlyq mekteptiń qaýipsizdigin tekserdi

ALMATY. QazAqparat - Almaty polıtsııasy qaladaǵy barlyq mekteptiń qaýipsizdigin tekserdi. Bul týraly Qanat Taımerdenov BAQ ókilderimen onlaın kezdesý barysynda aıtty, dep habarlaıdy QazAqparat tilshisi.

«Reseı Federatsııasynyń Qazan qalasynda bolǵan qaıǵyly oqıǵalardy eskere otyryp, Almaty qalalyq Polıtsııa departamenti bilim bólimderiniń ókilderimen birge qaladaǵy 207 jalpy bilim berý mekemelerine tekseris júrgizdi. Tekserý 4,5 myńnan astam beınebaqylaý kameralary, sondaı-aq kúzet agenttigine dabyl beretin túımeleri ornatylǵan jáne jumys isteıtin barlyq jalpy bilim beretin mektepterdiń 100 paıyzyn qamtydy»,- dedi ol.

Sonymen qatar, Qanat Taımerdenov bilim berý mekemelerin mamandandyrylǵan kúzetpen qorǵaýǵa erekshe nazar aýdarylǵanyn atap ótti.

Buǵan deıin Almatynyń bas polıtseıi qoǵamdyq oryndarynda SOS dabyl batyrmalary ornatylaǵany týraly aıtqan bolatyn.