Almaty polıtsııasy Esentaı ózeninde kólikpen júrgen júrgizýshini izdep jatyr

ALMATY. QazAqparat - Almaty polıtsııasy Esentaı ózeninde kólikpen júrgen júrgizýshini izdestirip jatyr. Tártip saqshylary quqyq buzýshy jaýapqa tartylatynyn aıtty, dep habarlaıdy QazAqparat tilshisi.

Áleýmettik jelide taraǵan vıdeoda aq tústi jeńil kóliktiń kaskad ishimen aǵatyn Esentaı ózenimen júrip bara jatqanyn kórýge bolady.

«Almaty qalalyq Polıtsııa departamentiniń jergilikti polıtsııa qyzmeti atalǵan derek boıynsha tekserý jumystaryn bastady. Vıdeodaǵy kólik júrgizýshi mindetti túrde anyqtalyp, jaýapqa tartylady. Mundaı áreketterge jol berilmeıdi. Olar ony «haıp» úshin jasaǵanyn joqqa shyǵarmaımyz», - deıdi Almaty qalalyq Polıtsııa departamentiniń resmı ókili Saltanat Ázirbek.

Vıdeodan alynǵan kadr