Almaty polıtsııa departamenti ansambliniń qurylǵanyna 60 jyl toldy
Spıkerdiń sózinshe, 1963 jyly alǵash qurylǵannan beri ansambl polıtsııa qyzmetkerlerin qyzmettik, azamattyq boryshqa adaldyqqa, Otanǵa degen súıispenshilikke tárbıeleýge, bólimshelerde salaýatty moraldyq-psıhologııalyq ahýaldy, berik qyzmettik tártipti qalyptastyrýǵa, qyzmetkerlerdiń adamgershilik qasıeti men estetıkalyq talǵamy bıik tulǵa retinde qalyptastyrýda úlken eńbek etip keledi.
«Ansambl 1963 jyldyń 22 aqpanynda QazSKR Qoǵamdyq tártipti kúzetý mınıstriniń «QazSKR QTKM ózindik án jáne bı ansamblin qurý týraly» týraly buıryǵyna sáıkes qurylǵan bolatyn. Ansambldiń alǵashqy jetekshisi Aleksandr Sharovatov, baletmeıster Nıkolaı Sıdorov, orkestr dırıjeri Georgıı Moor boldy. Ansambldiń mindeti - Otandy súıýge, antqa adal bolýǵa, ulttyq jáne álemdik mádenıettiń ozyq úlgilerin nasıhattaý, polıtseıler men olardyń otbasy múshelerine rýhanı demalys syılaý, kórkem shyǵarmashylyqqa belsendi baýlý bolyp tabylady», - deıdi spıker.
Polıtsııa ansambli ár jyldary sheberligi men polıtseılerdi Otansúıgishtikke, patrıottyq sezimde tárbıelegeni úshin kóptegen qurmet, marapattarǵa ıe bolǵan.
«Ansambl úsh ret «Halyq ansambli» ataǵyn ıelendi, 1967, 1970, 1977 jáne 1986 jyldarda tórt ret Máskeý qalasynyń ishki ister organdarynyń ónerpazdyq shyzarmashylyǵynyń búkil odaqtyq festıvalinde laýreat boldy, ansambldiń ásem bıleri men ánderi Kremldiń sezder saraıynda, Keńes áskeriniń ortalyq úıinde, «Ostankıno» teleortalyǵynda, «Zvezdnyı» qalashyǵynda, KSRO VDNH, Týla, Kıshınev, Kıev, Tashkent jáne basqa qalalarda shyrqaldy. Polıtsııa ansambliniń kontsertterine únemi qatysýshylar retinde Anna Oıstrah, Nadejda Glýhova, Mıhaıl Ermahanov, Vladımır Mızın, Vıktor Dmıtrıenko, Nına Semenkova, Qalıhan Imantaev, Nına Kozlova jáne ishki ister organdarynyń basqa da ardagerleri boldy. Sondaı-aq, ansambl quramynda QR qurmetti ártisi Marat Maksýtov, ánshi Aıjamal Azbaeva, dombyrashy Serik Omarjanov óner kórsetti», - dedi Artýsh Safarıan.
Onyń sózinshe, QR ІІM qurmetti qyzmetkeri Anatolıı Ternopolko ansambldiń 40 jyldan astam ýaqyt kórkemdik jetekshisi bolǵan.
«Onyń tikeleı qatysýymen ansambl tórt myńnan astam ret sahnaǵa shyqty, kontsertter ótkizildi. Odan bólek, ansamblge kóp jyldar boıy QazKSR mádenıetiniń qurmetti qyzmetkerleri Vladımır Mamezırov, Gennadıı Sırota basshylyq etken. Sońǵy 30 jyl ishinde ansambldiń quramynda Vıacheslav Razýmnyı, Vadım Kannýnıkov, Artýsh Safarıan, Bahtııar Abdrashev jane basqalar eńbek etip keledi», - deıdi keıipkerimiz.
Almaty polıtsııa departamenti ansambliniń shyǵarmashylyq jolyndaǵy jańa jetistikteri elimiz táýelsizdigin alǵan soń bastaldy.
«2000 jyly QR ishki ister organdary men ishki ásker arasyndaǵy halyq shyǵarmashylyǵyn damytýdaǵy jetken jetistigi úshin ansambl 1-shi dárejeli dıplomǵa ıe boldy. Almaty polıtsııa departamenti ansambliniń kontsertterine QR halyq ártisteri Ermek Serkebaev, Álibek Dnishev, Eskendir Hasanǵalıev, Lakı Kesoglý, Roza Rymbaeva, Naǵıma Esqalıeva, Aıjan Nurmaǵambetovalar qatystqan edi. Búgingi kúni ansambldiń quramynda 23 adam eńbek etedi. Olar ártúrli mýzykalyq aspaptarda oınaıdy. Jalpy, polıtsııa ansambli búginde estradalyq baǵdarlamamen jas qyzmetkerler men tálimgerler sletinde, garnızondyq jınalysta, eske alý keshterinde, qyzmetkerler men olardyń januıalaryna, ishki ister organdary ardagerlerine, aqyndar keshinde, qalalyq is-sharalarda, saltanatty saptyq, jas qyzmetkerlerdiń ant qabyldaýynda shyǵyp júr», - dedi ol.
Ansambl polıtseılik jáne áskerı-patrıottyq taqyryptaǵy klassıkalyq, álemdik jáne otandyq shyǵarmalar, halyq ánderi, estradalyq jáne djazdyq shyǵarmalardy oryndaıdy.
«Olardy joǵary sheberlikpen oryndaýy onyń kórkemdik jetekshisine baılanysty. Osy oraıda QR mádenıetiniń qurmetti qaıratkeri Nurlan Baıkózovtiń eńbegi zor. Almaty PD ansambliniń ánshileri Igor Blagodarnogo, Juldyz Úskembaeva, Qaırat Igilikov, Janleldi Jomartov, Gúlnıza Jumajanovalardyń óneri erekshe sezim syılaıdy. Almaty qalasy polıtsııa departamentiniń ansambli joǵary mádenıetti, ishki ister organdarynyń dástúrin saqtaýdy nasıhattaýda, jastar men qyzmetkerlerdi rýhanı jáne estetıkalyq turǵyda tárbıeleýde baǵa jette úles qosýda», - dedi Almaty qalalyq polıtsııa departmenti ansambliniń jetekshisi Artýsh Safarıan.
Sóz sońynda ol ansamblge jan-jaqty qoldaý, kómek kórsetip kele jatqan Іshki ister mınıstrligine, Almaty qalalyq polıtsııa departamentiniń basshylyǵyna alǵysyn aıtty.
«Bıyl ansamblidiń qurylǵanyna 60 jyl tolyp otyr. Biz bul merekeni toılaýdy jyl basynan bastap kettik jáne ol jyl sońyna deıin jalǵasady. Aıtý kerek, 60 jyl boıy ansambldiń damýyna Іshki ister mınıstrligi men qalalyq polıtsııa departamentiniń qosqan eńbegi zor. Sol úshin olarǵa alǵysymdy aıtamyn. Qazir bizdiń ózimizdiń zamanaýı zalymyz, mýzykalyq aspaptarymyz bar. Basshylyq bizge únemi qamqorlyq kórsetip keledi», - dedi ol.
Eske salaıyq, búgin elimizde Qazaqstan polıtsııasy kúni atalyp ótýde.