Almaty polıtseıleri soǵys ardagerine áskerı ánderdi oryndap berdi

ALMATY. QazAqparat – 9 mamyr tańy 97 jastaǵy Ekinshi dúnıejúzilik soǵys ardageri Qambar Qasenov úshin qyzyqty ótti: onyń páteriniń terezesiniń astynda Almaty qalasy polıtsııasynyń ansambli án shyrqady, dep habarlaıdy QazAqparat tilshisi.

«Qambar Ámiruly – shyndyq pen ádilettilik úshin aıqasqan kúresker, Ekinshi dúnıejúzilik soǵysta kóptegen qııan-keski urystarǵa qatysqan. Aýyr jaraqat alǵanyna qaramastan, Qambar aǵa soǵystan keıingi jyldary da azamattar tynyshtyǵynyń saqshysy bolýǵa sheshim qabyldaǵan. Búgin, osyndaı mańyzdy mereke kúni, biz ardagerge naǵyz meıram uıymdastyrdyq. PD Ansambliniń ártisteri áskerı ánderdi oryndady. Kontsert oıdaǵydaı ótti: aqsaqal jastarǵa bata berdi, kóp qabatty úı turǵyndary jandy daýysta aıtylǵan kompozıtsııalardy qýana tyńdady», - dep qorytty Almaty qalasy Polıtsııa departamenti basshysynyń orynbasary Ábdýáli Nasharbekov.

Erterek Qazaqstan Prezıdenti Qasym-Jomart Toqaev qazaqstandyqtardy Jeńis kúnimen quttyqtady.